भांगरभूंय | प्रतिनिधी
केरी सत्तरी: विर्डी दोडामार्ग हांगा आयतार ता. 30 एप्रीलाक घाडी परिवारा वतीन केळबाय ब्राह्मणी कुलदेवतेचो वर्सुकी वर्धापन दीस मनयतले. ह्या निमतान सकाळीं 11 वरांचेर सत्यनारायण म्हापूजा, थळाव्या भजनी कलाकारांचें भजन, सांजेच्या 5 वरांचेर विवीध सर्ती आनी हेर माचयेवेल्यो कार्यावळी जातल्यो.
माचयेवेल्या कार्यावळीं खातीर मुखेल सोयरे म्हणून बाबुराव धुरी शिवसेना उपजिल्हो मुखेली (ठाकरे गट), पत्रकार राघोबा लवू पेडणेंकार, नाट्य कलाकार यशवंत दळवी हे मानेस्त हाजीर रावतले.
रातच्या 9 वरांचेर दत्ता केशव लिखीत तीन अंकी ‘माझा कुणा म्हणू मी’ हें नाटक घाडी परिवारांतले हौशी कलाकार सादर करतले. ह्या नाटकांत भिसाजी घाडी, हिरोजी घाडी, ब्रह्मनाथ घाडी, प्रदीप गांवस, राजेंद्र गांवस, दिपक गांवस, समिधा संतोष गांवस, सीमा संजय गांवस आनी सायली सतीश धर्णे हांच्यो भुमिका आसात. गोंयचे नामनेचे नाट्य कलाकार, दिग्दर्शक, कला गौरव पुरस्कार फावो जाल्ले कलाकार चंद्रकांत फटी गांवस हांचें दिग्दर्शन लाभलां. नाट्य निर्मिती प्रदीप गांवस, भेसवण विष्णू घाडी आनी समिधा गांवस हांची आशिल्ल्यान विराज प्रदीप गांवस हांणी पार्श्वसंगीताची जापसालदारकी सांबाळ्ळ्या.
तरी रसीक प्रेक्षकांनी देवीच्या वर्धापन दिसा हाजीर रावन सत्यनारायण म्हापुजा आनी नाटकाचो आस्वाद घेवचो, अशी मागणी घाडी परिवारा वतीन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
