भांगरभूंय | प्रतिनिधी
पणजी : अभिभाशणा उपरांत राज्यपाल सभाघरांतल्यान भायर वतना विरोधी पक्ष फुडारी युरी आलेमाव हांणे हाजीर रावनासतना एक इतिहास रचिल्ल्याची टिका मुख्यमंत्री डॉ. प्रमोद सावंत हांणी केली. राज्यपाल सभाघरांतल्यान भायर पडटना विरोधी पक्ष फुडारी गैरहजर रावपाची इतिहासांतली ही पयलीच वेळ आशिल्ल्याची प्रतिक्रीया मुख्यमंत्री डॉ. प्रमोद सावंत हांणी उक्तायली.
नव्या वर्साचें पयलेंच अधिवेशन आशिल्ल्यान राज्यपालांच्या अभिभाशणान अधिवेशनाची सुरवात जाली. अभिभाशणाक विरोधी पक्ष फुडारी युरी आलेमाव हजर नाशिल्ले. हाका लागून राज्यपाल पी. एस. श्रीधरन पिल्लई अभिभाशण पुराय करून भायर सरतना मुख्यमंत्र्यां सयत ते हजर रावूंक ना. संसदीय लोकशाय तशेंच सभाघराचो आदर दरेकल्यान राखपाक जाय, अशें मत डॉ. सावंत हांणी आलेमाव हांच्या कृतीचेर प्रतिक्रीया दितना उक्तायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
