भांगरभूंय | प्रतिनिधी
गों यांत जायते लोक येतात. तातूंत पर्यटकांचो आंकडो चड आसता, हातूंत दुबाव ना. हांगां शिक्षण लेगीत उंचेल्या पांवड्याचें मेळटा. मडगांव शार, जशें अर्थीक, उद्देगाचें शार म्हूण प्रसिद्ध आसा, तशेंच तें शिक्षणीक केंद्र म्हूणय नामनेक पावलां. ह्या शारांत शिकपाच्यो साबार संदी दिवपी संस्था आसात. फातोड्डेंची अशीच एक संस्था ग्लायडन अकादेमी, जी विद्यार्थ्यां खातीर खास अश्यो कार्यावळी आयोजीत करता. ते विशीं सांगीनशें दिसता.
2021 ही अकादमी सुरु केली ती सोनल नायक हे ध्येयवादी चलयेन शिकून नोकरेच्या फाटल्यान लागचे परस फातोड्डें वाठारांत अकादेमीची स्थापना केली. तें म्हणटा, आतां हांव समाधानी. विद्यार्थ्यां खातीर अकादेमी स्थापन केली हें समाधान आसाच, पूण म्हजे अकादेमींत हांवें कांय जाणांक नोकरेची संद दिली म्हूण. हाका जोडून हांवे जिनियस मायंड अॅण्ड ब्रेन अकादेमी सुरू केल्या. जांकां विमानांत काम करपाचें आसा, तांणी ग्रीफोन अकादेमीचो डिप्लोमा केल्यार जाता. नोकरी मेळपाची संद आसा, ती प्लेसमेंट सेवे वरवीं.
स म्हयन्यांचो हो डिप्लोमा कोर्स बारावी पास जाले उपरांत करूं येता. खंयच्याय फांट्याचो विद्यार्थी हातूंत प्रवेश घेवपाक शकता. नव्या शिक्षणीक धोरणाक लागून हे बदल करपाचे पडले अशें सोनल सांगता. ब्रेन अकादेमी सुरू केल्ल्यान पालक खुश आसात. ताका लागून आमकां प्रवेशा खातीर प्रस्न येना, अशें ते सांगतात. ताचो फोन आसा- 91721 57343, 91758 26760, 63609 58949, gryphonacademy.in ही फातोड्डें लेक प्लाझा इमारत दुसरो मजलो, स्टेडियमा लागीं. तुमी फोन करूं शकतात. नाजाल्यार थंय वचूं शकतात. थंय अणभवी शिक्षक आशिल्ल्यान ताचो नक्कीच फायदो जातलो.
अकादेमी सुरू केली तिचो बरो परिणाम विद्यार्थ्यांचेर दिसपाक लागला. सोनल हें शिक्षण तज्ञ म्हूण ताणें हें पावल घालें. हुशार विद्यार्थ्यां खातीर हातूंतले कार्यक्रम उपेगाक पडटले. तरेकवार कार्यावळी खेळ सारक्या माध्यमांतल्यान हो वावर चलता. हे अकादेमीची जायरात करची पडना. मोबायल फोन, सोशल मिडिया हे बरे पर्याय आसात. नवे शिक्षणीक येवजणेक लागून आवयभाशेक म्हत्व दिलां. हाका लागून आमी भुरग्यांक तशें वळण दिवपाक जाय, अशें सोनल सांगता. ते खातीर तिणें हो उपक्रम सुरू केला.
पावस आसून ट्रॅफिक जाम आसुनय गोंयांत रातदीस कार्यावळी जायत आसात. तांकां गोंयकारुच आसतात, हें आमी सांगूंक शकनात. पूण घडये आसात, तर बरें म्हणपाचें. कांय दिसांनी ते आंतरराष्ट्रीय पांवड्याचेर गाजतले अशें आमी म्हणपाक शकतात.
सेरेंडिपीटी महोत्सव
सेरेंडिपीटीचो वर्सुकी महोत्सव गोंयांत फुडल्या म्हयन्यांत जावपाचो आसा. जे लोककलाकार आसात, जे जावपाक सोदतात, तांणी हो महोत्सव जरूर पळोवचो. सरकारी काॅलेजांनी कुशळटाय शिकपाक विद्यार्थ्यांक संद मेळटली. हालींच गोंय सरकारान कर्नाटकांतल्या सायकलिंग संस्थेवांगडा कबलात केल्ल्यान कला आनी वाणिज्य फांट्याच्या निमण्या वर्साक आशिल्ल्या विद्यार्थ्यांक ताचो लाव घेवप शक्य जालें. ही कुशळटाय तांकां रोजगार मेळपाक फायद्याची थारतली. गोंय सरकार बेरोजगारां खातीर आकर्शक येवजण्यो हाडीत आसा. पूण बेरोजगारांचो आंकडो आनीक वाडचो न्हय म्हूण हो तातडीचो केल्लो उपाय म्हणू येता. सारस्वत काॅलेजीच्या प्राचार्याक हो प्रस्न केन्नाच पडिल्लो म्हूण तांणी उद्देजकांक आपोवन खास कार्यक्रम दवरिल्लो. तातूंत उद्देजकांक कसली गरज आसा हें विद्यार्थ्यांक कळटलें, पूण सगल्या विद्यार्थ्यांक हें कशें कळपाचें? बड्डें मडगांवच्या सरकारी काॅलेजीचे प्राचार्य नदाफ सांगतात, असल्या कार्यक्रमांची खरेंच गरज आसा. विद्यार्थ्यांक जर अशें शिकपाक मेळ्ळें जाल्यार नक्कीच लाव जातलो. आमच्या गोंयांत नोकरेची संद आसता, पूण साध्या कारणांक लागून आमी ती वगडायतात. मागीर ते पात्र उमेदवाक घेतात. सरकारान हें समजून पावल घालें जाल्यार विद्यार्थ्यांक हाचो फायदो जातलो अशें प्राचार्य नदाफ हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
