भांगरभूंय | प्रतिनिधी
नवी दिल्ली, खबरां संस्था : उत्तर भारतांतल्या दाट धुक्याक लागून विमान वाहतूक सेगीत विस्कळीत जाता. ताका लागून प्रवाशांक बरेच त्रास सोंसचे पडटात. म्हणून आतां नागरी विमान येरादारी मंत्रालयान दिल्ली वांगडा हेर म्हत्वाच्या विमानतळां खातीर अतिरिक्त सुचवण्यो जारी केल्यात. तातूंत प्रवाशांचे मजती खातीर विमानतळार कागाळ निवारण कक्ष (वॉर रूम) उबारपा वांगडाच सुरक्षा रक्षकूय वाडयतले.
नागरी विमान वाहतूकमंत्री ज्योतिरादित्य शिंदे हांणी विमानतळांवयल्या उरिल्ल्या सुविधायां विशीं विमानतळ तशेंच विमान कंपन्यांक पयलींच सुचवण्यो दिल्यात. नागरी विमान येरादारी महासंचालनालयान (डीजीसीए) सोमारा प्रमाणीत कार्यप्रणाली जारी केल्ल्यान सगळ्या कंपन्यांनी त्यो पाळच्यो अशें तांणी सांगलें.
विमानतळांचेर जाय तितले केंद्रीय उद्देगीक सुरक्षा दळाचे (सीआयएसएफ) कर्मचारी २४ वरां उपलब्ध आसतले, अशेंय तांणी ‘एक्स’ वरवीं जाहीर केलें. धुकें चड आशिल्ल्या विमानतळांचेर ‘सीएटी-३’ ही प्रणाली आशिल्ले ट्रॅक कार्यान्वीत करतले, अशेंय शिंदे हांणी स्पश्ट केलें. सध्या दिल्लीच्या इंदिरा गांधी आंतरराष्ट्रीय विमानतळार चारां मदले तीन ट्रॅक कार्यन्वीत आसात. धुक्या कडेन संबंदीत आडखळींक तोंड दिवपा खातीर आनीक पावलां उबारपाच्यो घोशणांय तांणी के×ल्यो.
नवे उपाय
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
