भांगरभूंय | प्रतिनिधी
फोंडेंः सान्ताक्रूज- फोडें हांगच्या विद्या वृद्धी संस्थें वतीन 15 ऑगस्टाक फोंडें तालुको पांवड्यार हायस्कूल गीत गायन सर्त आयोजीत केल्या. सर्तींत फकत देशभक्ती गिता सादर करचीं पडटलीं. ह्याच वेळार समाज वावुरपी तुकाराम गंगू नायक हांचो भोवमान करतले तशेंच फोटो सर्त घेतले. संस्थेचो अध्यक्ष उदय डांगी हांणी एके पत्रकार परिशदेंत ही म्हायती दिली.
15 ऑगस्टाक उदय डांगी हांचे हस्तुकीं ध्वजारोहण जातलें. ते उपरांत देशभक्ती गीत गायन सर्त जातली. तातूंत फोडें तालुक्यांतली 30 परस चड हायस्कुलांचे पंगड वांटेकार जातले. उद्देजक वैकुंठ धेंपो हाचे यादस्तीक सर्तीी खातीर इनामां पुरस्कृत केल्यांत.
सर्ती खातीर पयलें इनाम 7 हजार आनी करंड, दुसरें 4, तिसरें 3 हजार रुपये आसा. त्या भायर हेर इनामां दिसले. 19 वर्सा सकल आनी 19 वर्सा वयल्या सर्तकां खातीर फोटो सर्त घेतले. जैतिवंताक रोख इनामा दितले अशें डांगी हांणी सांगलें. पत्रकार परिशदेत यतीश व्ही एक धेंपो, आनंद नायक, रक्मी डांगी, पालक-शिक्षक संघाचो अध्यक्ष संकेत मुळे आनी ईश्वरी तळावलीकार हाजीर आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
