विद्या प्रबोधिनी उच्च माध्यमीक  विद्यालयाच्या येसस्वी निकालाची परंपरा कायम

भांगरभूंय | प्रतिनिधी

पणजी: विद्या प्रबोधिनी उच्च माध्यमीक विद्यालय, विद्या नगर पर्वरी हांणी आपल्या निकालाची परंपरा कायम दवरिल्ल्यान अंदूं बारावेचो निकाल 96.20 टक्के लागला. कला फांट्याचो 95.8 टक्के, वाणिज्य फांट्याचो 98.8 टक्के आनी विज्ञान फांट्याचो 94 टक्के निकाल लागलो.

कला फांट्याचें अनुया शिंदोळकार 94.83 टक्के घेवन विद्यालयांत पयलें आयलें. विणा वेर्णेकार 91. 5 टक्क्यानी दुसरें आनी आचल मोरे आनी रचना मडकयकार 91. 17 टक्के गूण मेळोवन तिसरीं आयलीं, श्रद्धा गावडे 91.16 टक्के गूण घेवन चोवथें आयलें. कला फाट्यांत विशेश श्रेणी 9, पयली श्रेणी 9, दुसरी श्रेणी 21 आनी पास श्रेणीत 5 पास जाले. विणा वेर्णेंकार हाका इतिहास विशयांत 100 तले 100 गूण फावो जाले. इतिहास विशय शिक्षक वल्लभ केळकार हांचें विशेश मार्गदर्शन लाभलें आनी अनुया शिंदोळकार हाका समाजशास्र विशयात 100 तले 99 गूण मेळ्ळ. ताका शिक्षक महेश नागवेंकार हाचें विशेश मार्गदर्शन लाभलें. मराठी, हिंदी, कोंकणी, इतिहास, संस्कृत, समाजशास्र ह्या विशयांनी 100 टक्के निकाल लागलो. 

विज्ञान फाट्यांत भुमी नायक 86.6 टक्के गूण घेवन पयलें आयलें. रिया गांवस 83.8 गुणांनी दुसरें आनी भक्ती चोडणकार 82.3 गूण घेवन तिसरें आयलें. विशेश श्रेणीत 7, पयले 16, दुसरे श्रेणीत 20 आनी पास श्रेणीत 2 जाणां पास जालीं. 

वाणिज्य फाट्यांत आचल चंद्रशेखर मोरे आनी रचना मडकयकार 91.17 टक्के गूण घेवन पयलीं आयलीं. विक्रमादित्य प्रणव अगरवाल 90.17 गूण घेवन दुसरो आनी कौशीक रोहीत वेळीप 87.50 घेवन तिसरीं आयलीं. 

विद्यालयाची वेवस्थापन समितीचे अध्यक्ष संजय वालावलकार, सचीव राजेंद्र भोबे, प्राचार्य रेषा पेडणेंकार, वेवस्थापक प्राध्यापक दत्ता भिकाजी नायक, पालक शिक्षक संघाचे अध्यक्ष स्वप्नील बुगडे हांणी येसस्वी विद्यार्थी तशेंच शिक्षकांक परबीं भेटयलीं.