भांगरभूंय | प्रतिनिधी
पणजी : विद्यालयां सयत शिक्षणीक संस्थांनी नोटीस बोर्ड तशेंच हेर म्हत्वाच्या सुवातांचेर १०९८ हो हॅल्पलायन नंबर लावप बंदनकारक आसा. विद्यालयां तशेंच हेर सुवातांचेर विद्यार्थ्यांक मारपेटी सयत लैंगीक अत्याचार जावपाचे प्रकार वाडल्या. हे फाटभुंयेर केंद्राच्या निर्देशा उपरांत गोंयच्या शिक्षण खात्यान १०९८ नंबर लावपाचे आदेश दिल्यात.
सरकारी, अनुदानीत तशेंच विनाअनुदानीत विद्यालयांक हो नंबर दिसता अशा सुवातांचेर लावचो पडटलो.
विद्यार्थी तशेंच भुरग्यांचेर जावपी लैंगीक अत्याचार तशेंच मारपेटीची स्वेच्छा दखल घेवन हॅल्पलायन सुरू करपाचो आदेश सर्वोच्च न्यायालयान दिल्लो. पोस्को कायद्या खाला हो आदेश दिल्लो. ह्या आदेशाची कार्यवाय आतां सगल्या राज्यांक करची पडटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
