भांगरभूंय | प्रतिनिधी
फोंडें : कवळें फोंडेंच्या एस.एस. समितीचें सौ. अन्नपूर्णाबाई माधवराव ढवळीकर उच्च माध्यमीक विद्यालयाचें वर्सुकी स्नेहसंमेलन २२ नोव्हेंबराक राजीव गांधी कला मंदिरांतल्या ’मास्टर दत्ताराम वळवयकार नाट्यगृहात’ कलात्मक रितीन जालें.
हे कार्यावळीचे मुखेल सोयरे म्हणून फोंडेंचे समाजसेवक आनी श्री माधवराव ढवळीकर ट्रस्टचे ट्रस्टी दिलीप माधवराव ढवळीकार हाजीर आशिल्ले. जाल्यार शिक्षण उपसचालक मनोज सावयकार हे मानाचे सोयरे म्हणून हाजीर रावले. माचयेर संस्थेचे अध्यक्ष श्रीकुमार सरज्योतिषी, वेवस्थापक उदय बेहरे, पालक-शिक्षक संघाचे अध्यक्ष संदीप पागी, प्राचार्य विजयानंद नागेशकर तशेंच विद्यार्थी मंडळ मुखेली हर्ष गांवकार हाजीर आशिल्ले.
गणेश वंदनेन स्नेहसंमेलनाची सुरवात जाली. उपरांत मानेस्तांक फुलां तुरे भेटोवन येवकार दिलो.
शिक्षिका अनुजा नायक हांणी मानेस्तांी वळख करून दिली. विद्यालयाचे प्राचार्य विजयानंद नागेशकार हांणी वर्सुकी अहवाल सादर करतना शिक्षणीक, खेळां आनी सांस्कृतीक मळावेल्या कामगिरीची म्हायती दिली.
उपरांत गोवा बोर्ड परीक्षेंत उत्कृश्ठ गुण मेळयिल्ल्या विद्यार्थ्यांचो तशेंच विशयांत सगल्यांत चड गूण मेळयिल्ल्या गुणेस्तांचो भोवमान केलो.
संदीप पागी, श्रीकुमार सरज्योतिषी, मनोज सावयकार आनी दिलीप ढवळीकार हांणी विद्यार्थ्यांक परबीं भेटोवन मनोगत उक्तायलें. संस्था करपी कामाची म्हायतीय ह्या वेळार दिली.
सांस्कृतीक सत्रांत विद्यार्थ्यांनी विवीध म्हालांतलीं लोकगीतां, लोकनाच, लोकनाट्य सादर करून प्रेक्षकांचीं मनां जिखलीं. ‘लोकमांड’ हे संकल्पनेंतल्यान गोंयचे समृद्ध लोकपरंपरेचें दर्शन घडलें. विद्यार्थ्यांचो बरो प्रतिसाद मेळ्ळो.
शिक्षिका अनुजा नायक हांणी उपकार मानले. सुत्रसंचालन शिक्षिका मनीषा ढवळीकार हांणी केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
