भांगरभूंय | प्रतिनिधी
1 कोंकणी, 6 मराठी माध्यम शाळांचो आस्पाव
पणजी ः गोंयांत अंदूं 7 सरकारी मुळाव्यो शाळा बंद जाल्यो. तातूंत दक्षीण गोंयांतल्यो 5 शाळा आनी उत्तर गोंयांतल्यो 2 शाळा आसात. बंद जाल्ल्या 7 सरकारी शाळां मदीं 6 मराठी माध्यम शाळा आनी 1 कोंकणी माध्यम शाळा आसा.
अंदूं एकूय विद्यार्थ्यान प्रवेश घेवंक नाशिल्ल्यान शाळा बंद करपाचो आदेश शिक्षण संचालक शैलेश झिंगडे हांणी जारी केलो. काणकोण तालुक्यांतल्यो तीन शाळा, जाल्यार पेडणें, सत्तरी, साश्टी आनी केपें तालुक्यांत दरेकीं एक शाळा बंद जाली. 2022-23 वर्सा सावन ह्या शाळांनी विद्यार्थ्यांचो आंकडो उणो जायत आसा. अंदूं विद्यार्थीच नाशिल्ल्यान शाळा बंद करपाची वेळ आयली.
शाळेंत विद्यार्थी उणे आसल्यार ती शाळा लागसारच्या शाळेंत मर्ज करपाची पद्दत कांय वर्सां आदीं सुरू जाली. मुळाव्यो शाळा तिगोवन दवरपाचे सरकाराचे धोरण आसलें सरकाराक तातूंत येस मेळूंक ना.
तालुका प्रमाण बंद जाल्ल्यो शाळा…
| तालुका | शाळा | माध्यम | 2022-23 | 2023-24 | 2024-25 |
| काणकोण | स. प्रा. शाळा, शिशेगाळ | मराठी | 03 | 07 | 03 |
| काणकोण | स. प्रा. शाळा, पाटणें | मराठी | 11 | 10 | 06 |
| काणकोण | स. प्रा. शाळा, तळपण | मराठी | 04 | 05 | 05 |
| पेडणें | स. प्रा. शाळा, पोकेवाडो-मोरजे | मराठी | 09 | 06 | 07 |
| सत्तरी | स. प्रा. शाळा, धाटवाडो-पिसुर्लें | मराठी | 08 | 05 | 04 |
| साश्टी | स. प्रा. शाळा, चांदोर | कोंकणी | 15 | 11 | 04 |
| केपें | स. प्रा. शाळा, शेळवण | मराठी | 06 | 02 | 02 |
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
