भांगरभूंय | प्रतिनिधी
बारावेच्या परिक्षा सोंपून आतां धावेच्यो सुरू जाल्यात. पयलेच खेप ही बोर्डाची परिक्षा दिवची पडटा. ती सामकीं म्हत्वाची आनी तातूंत शक्यतो 80- 90 टक्के गुण मेळपाक जाय, हो ताण दरेका विद्यार्थ्याचेर आसता. हाचे खातीरूच तर आमचे मानादीक प्रधानमंत्री नरेंद्र मोदीजी हांची परिक्षा पे चर्चा ही कार्यावळ करतात दरेकल्यान ती पळोवपाक जाय. तातूंत वेगवेगळ्या फांट्यातले तज्ञ तांणी हे कार्यावळींत हाडल्यात. शाळांतल्या परिक्षांचें चेपण शाळेंतल्या विद्यार्थ्यांनी घेवंक ना तर परिक्षा म्हणली काय एकप्रकारचें टेन्शन विद्यार्थ्यांचेर आसता. धावी, बारावेचे परिक्षेचो ताण पालकांचेरुय आसता. मागीर विद्यार्थी कशे हातूंतल्यान सुट्टले. परिक्षेचो भंय मनांतल्यान काडटले जाल्यार तिचे कडेन पळोवपाची मानसिकताय बदलूंक जाय. तिकाच लागून आमी परिक्षेचो ताण घेतात आनी आमचें लुकसाण करून घेतात.
थोडो ताण सगल्यांकूच आसात, आत्मविस्वास नासत जाल्यार तो येवं शकता. तुमचो अभ्यास जर बरो जाला जाल्यार तुमकां आपशीच आत्मविस्वास येता. कांय वेळार अभ्याक करून लेगीन परिक्षेच्या वेळार विसरूंक जाता. हें मात ताणाचें लक्षण जावं येता.
पेपर पळोवन आबूज जावंक जाता तेन्ना एक दीर्घ स्वास घेवप, उदक पियोवप. हातूंतल्यान तुमकां थोडो तर आत्मविस्वास येवं शकता. परिक्षा केंद्र लागीं आसलें तरी पेपराच्या दिसा बेगीन भायर सरात. केंद्राचेर बेगीन पावात. परिक्षे वेळार तुमी पेपर बरयतलो तो बाकडो बरोवपाचे स्थितींत ञआसा काय ना, तें पळयात. जर ताका बुराक बी आसा जाल्यार तुमी पर्यवेक्षकाक ही गजाल सांगपाक शकतात.
पेपर हातांत पडना फुडें तो सारको आसा जाल्यार पळोवचो. तातूंत अभ्यासक्रमा भायले वा शिकोवंक नात ते प्रस्ना आसात काय नात तें तुमकां कळपाक शकतात. हेर विद्यार्थ्यां कडेन गजाली मारप टाळात. नाजाल्यार पर्यवेक्षक तुमचे विशीं गैरसमज करून घेवंक शकता. एखादे जात्रेक, फेस्ताक वतात तेन्ना तुणी तणावा खाला आसतात? तशेंच परिक्षे कडेनूय पळयात. जर तुमी नेमान अभ्यास करतात जाल्यार परिक्षेचो ताण येवपा बदला तुमकां आत्मविस्वास येवपा पसून कोणूच आडावंक शकना. खेरीज ह्या दिसांनी तुमकां आवडटा तें संगीत आयकात. थोडें खेळात. व्याख्यानां आयकात. बागेंत भोंवात. युट्यूबाचेर विनोदी कार्यावळी पळयात. पूण चड वेळ लक्ष दिवन अभ्यास करात. वेळ लावन अभ्यास करात. म्हणजे तुमकां कितलो वेळ लागता तें कळटलें. तुमचें वेळाचें गणित सोडपाक मजत जातली. जर तुमी सद्दां वाचतात, अभ्यास करतात जाल्यार तुमकां परिक्षेची भिरांत कशी आसपाक शकता?
भोवमानादीक प्रधानमंत्री मोदीजी परिक्षे विशीं खूब उलयल्यात. खेरीज तांणी ह्या विशयाचेर एक सोबीत पुस्तक पसून बरयलां. तें तुमी मुजरत वाचात. परिक्षेची तयारी करतना हाॅल तिकेट सांबाळून दवरात. पेन व्हरतात तें चलता काय ना तें पळयात. ऐन वेळार बरयतना अडचण येवपाक नाका. ते खातीर नव्या पेना वांगडा पोरणेंय पेन व्हरात. उदकाची बाटली हाता कडेन दवरात. मदीं मदीं तें पियेयात. कंपास बाॅक्स व्हरात. म्हणटकच परिक्षा चलतना तें कोणा कडेन मागपाचो वेळ येवचो ना. परिक्षेच्या काळांत शिवराक खायात, जेवात. तेंय बी सात्विक आसचें. तेलकट, मसाल्याचें नाका. कारण पोट इबाडपाक शकता. थंय, आंबट पेयां पियेवं नाकात. थंडी जावं येता. परिक्षेच्या दिसांनी उपाशी पोटार वचूं नाकात. हे फावटीच्या परिक्षा पे चर्चा हातूंत खाशेल्या डायटाचेर म्हायती आशिल्ली. तुमी तुमच्या घरच्या दोतोराक मेळूं शकतात. खेरीच ह्या विशयां वयलीं पुस्तकां वाचपाक मेळटा तांचो उपेग करात. हीं सगलीं उदाहरणां हांवें प्रत्यक्षांत अणभवल्यांत. म्हजे बाबतींत घडलें तें तुमचे बाबतींत घडपाक नाका म्हूण म्हजो हो यत्न. तुमच्यो टिचरी, पालक तुमकां हाचें मार्गदर्शन करतलींच. तुमकां परिक्षेंत बरें यश मेळचे म्हूण आंवडेटा.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
