भांगरभूंय | प्रतिनिधी
भांगरभूंय । प्रतिनिधी
काणकोणः पर्तगाळ जिवोत्तम मठाचे 23वे स्वामी सर्गेस्त विद्याधिराज तीर्थ स्वामीची दुसरी पुण्यतीथ पर्तगाळ मठांत व्हडा भक्तिभावान पाळली. गोंयां सयत कर्नाटक आनी मुंबयच्यान अनुयायी ह्या वेळार व्हडा संख्येन हाजीर आशिल्ले.
सकाळीं 8.30 सावंन मठ संकुलांत धर्मीक विधी जाले. सध्याचे स्वामी विद्याधीश तीर्थ वडेर स्वामीनी विद्याधिराज स्वामीच्या वृंदावनाची विधिवत पूजा केल्ला उपरांत दनपारां जाल्ले धर्म सभेंत तांचें आशीर्वचनपर उलोवप जालें. पुण्यतीथ कार्यावळीक पर्तगाळ जिवोत्तम मठ समितीचो अध्यक्ष उद्देगपती श्रीनिवास धंपो, उपाध्यक्ष आर आर कामत, उद्देगपती शिवानंद साळगांवकार, आदले मुख्यमंत्री दिगंबर कातम हाजीर आशिल्ले.
पुण्यतीथ कार्यावळींत अॅड यतीश नायक हाच्या कोंकणी आनी इंग्लिश भाशेंतल्या मेळून दोन कविता झेल्याचें प्रकाशन विद्याधीश तीर्थ स्वामीचे हस्तुकीं प्रकाशन केलें. अनिल पै हाणे हे कार्यावळीचें सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
