भांगरभूंय | प्रतिनिधी
भांगरभूंय । प्रतिनिधी
म्हापशेंः विदेशांत नोकरी दिवपाचें हांयस दाखोवन तरणाट्यांची फटवणूक करपी बोगस एजंटां आड कारवाय करपाचो आदेश मुख्यमंत्री डॉ प्रमोद सावंत हांणी दिवन दोन दीस जात म्हणसर म्हापशें पुलिसांनी आयतारा दोग जाणां सयत हेर अनवळखी लोकां आड गुन्यांव नोंद केलो. विदेशांत नोकरी दितां अशें सागून तांणी चार तरणाट्यांक 4 लाख 40 हजांरांक फटयलां.
हळदोण्याचो आर्थूर कॅनी लॉरेन्स आनी म्हापशेंच्या सिद्धार्थ कांबळी हांचे आड गुन्यांव नोंद केला मात ते सध्या फरार जाल्यात. म्हापश्याचे एसपीडीओ जिवबा दळवी हांणी दिल्ले म्हायती प्रमाण स म्हयन्यां पयलीं दुबावितांनी दिसाळ्यांत विदेशांत नोकरी दिवपाची जायरात दिल्ली. चार जाणांनी तांचे कडेन संपर्क सादलो. तेन्ना तांणी तांका नोकरे खातीर जाय आशिल्ली कागदपत्रां आनी सुमार 4.40 लाख रुपये घेतले. सुरवेक ते चार जाणां कडेन नेमान संपर्क सादताले. उपरांत तांचे फोन लेगीत ते घेनाशिल्ले. आपली फटवणूक जाल्ल्या हें कळटगीर तांणी म्हापशें पुलिसांनी कागाळ नोंद केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
