भांगरभूंय | प्रतिनिधी
हालींच मानून घेतिल्ल्या वित्त विधेयकाचीं कांय खाशेलेंपणा आसा. 01 एप्रिल 2023 दिसा वा ताचे उपरांत खरेदी केल्ल्या म्युच्युअल फंडांतल्या गुंतवणुकींचेर (जंय थळावे कंपनींच्या इक्विटी शॅरांत 35 टक्क्यां परस चड गुंतवणूक ना) लागू आशिल्ल्या कर दरांत अल्पकाळ भांडवल फायदो म्हणून कर आकारतले. म्हणल्यार रिणाच्या निधींतल्यान, आंतरराष्ट्रीय निधींतल्यान आनी भांगराच्या निधींतल्यान भांडवली फायद्याचेर, तांचो होल्डिंग काळ विचारांत घेनासतना, वैयक्तीक संबंदीत लागू आशिल्ल्या कर दरान कर आकारतले.
3 वर्सां परस चड काळ दवरिल्ल्या रिणाच्या म्युच्युअल फंडांक आतां इंडेक्सेशन फायदे मेळचे नात. ते भायर 31 मार्चाक वा ताचे आदीं केल्ल्या गुंतवणुकीं खातीर सद्याचे एलटीसीजी फायदे चालू उरतले.
निश्कर्श
ह्या बदलाक लागून रिणांचो निधी आनी पारंपारीक गुंतवणूक आतां कर आकारणेंत समताय दिसतली. अशा संदींची तुळा चड करून कामगिरीचेर आदारून आसतली. सद्याच्या गुंतवणुकदारांक एक शिटकावणी आसा. तो म्हणल्यार रिणाच्या निधी, आंतरराष्ट्रीय निधी आनी भांगरा निधींतल्या सद्याच्या गुंतवणुकींचेर आनी 31 मार्च 2023 मेरेन केल्ल्या नव्या गुंतवणुकींचेर लेगीत प्रस्तावीत दुरुस्तीचो परिणाम जावचो ना. ह्या गुंतवणुकींनी 3 वर्सां पुराय जाले उपरांत दीर्घकालीन भांडवल फायदो कर आकारतले. गुंतवणूकदार आपल्या पोर्टफोलियोचें परतून मुल्यांकन करूंक शकतात आनी रिणां आनी जागतीक निधी कडेन परतून वाटप करून आपलें पोर्टफोलियोचें अनुकूलन करूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
