भांगरभूंय | प्रतिनिधी
पेडणें : तोरशेंच्या उपसरपंचपदाचेर विजय तोरसकार हांची विरोधा विणें निवड जाली.
अलिखीत करारा प्रमाण रमेश बुटे हांणी राजिनामो दिल्ल्यान हें पद रितें जाल्लें. ह्या पदा खातीर तोरसकार हांचो एकल्याचोच अर्ज आयिल्ल्यान वेंचणूक अधिकारी भिवा ठाकूर हांणी तांची विरोधा विणें निवड जाल्ल्याचें घोशीत केलें. विजय तोरसकार हांचें नांव आदली सरपंच तशेंच सध्याची पंच प्रार्थना मोटे हांणी सुचयलें. तांकां पंच उत्तम वीर हांणी अनुमोदन दिलें. तोरसकार हांची निवड जाले उपरांत सरपंच छाया शेट्ये, आदले जिल्हो पंचायत वांगडी सूर्यकांत तोरसकार, हेर पंच आनी आमदार प्रवीण आर्लेकार हांणी तांकां फुलांचो हार घालून परबीं दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
