भांगरभूंय | प्रतिनिधी
भांगरभूंय । प्रतिनिधी
सावयवेरेंः केरी फोडें हांगच्या विजयादुर्गा देवस्थानाचो भांगरा शिखर कलश प्रतिश्ठापना सुवाळ्याचो समारोप आयतारा जालो. शृंगेरी पिठाचे जगद्गुरु शंकराचार्य श्री विधू शेखर महाराज हाचे हस्तुकी आनी संजय किर्लोस्कर हाचे हाजेरेंत व्हो कलश विधीवत प्रतिश्ठापीत केलो.
गोंयांतल्या देवळांक जायत्या वर्सांचो इतिहास आसा. अश्या देवळांची गौरव संपन्नता चडांत चड वाडीक लागपाक जाय अशें विधू शेखर भारती स्वामी हांणी सांगलें. शिखर कलश प्रतिश्ठापने उपरांत मुख्यमंत्री डॉ प्रमोद सावंत, आमदार दिगंबर कामत, आदले खासदार नरेंद्र सावयकार, आदलो आमदार दीपक ढवळीकीर आनी हेर भाविकांनी स्वामीजीचें आशिर्वाद घेतले.
आयच्यान विजयादुर्गा देवस्थानांत सहस्त्रचंडी अनुष्ठानाक सुरवात जातली. तें 26 एप्रिल मेरेन चलतलें. लोक कल्याणा खातीर आयोजीत केल्ल्या ह्या अनुश्ठानाक भाविकांनी हाजीर रावन तीर्थ प्रसादाचोल लाव घेवचो अशें देवस्थान समितीचे अध्यक्ष डॉ संतोष देसाय हांणी मागालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
