भांगरभूंय | प्रतिनिधी
दुबयक ३८ गिरेस्त भारतीय ६८०० कोटींची मालमत्ता विकती घेतले
दुबय, खबरां संस्था: अंदूं ३८ श्रीमंत भारतीय म्हळ्यार उच्च मालमत्ता आशिल्ले व्यक्ती दुबंयत विक्रमी ६८०० कोटींची मालमत्ता विकत घेतले. तातूंतले २१ संवसारीक आनी १७ आखाती देशांतले बिगर निवासी भारतीय आसात. सुत्रांनी दिल्ले म्हायती प्रमाण आखाती देशांतल्या विकत घेवप्यांचे वळेरेंत भारतीय लोक पयल्या क्रमांकाचेर आनी संवसारीक पांचवे सुवातेर आसात.
अंदूं संवसारभरचे ३१७ गिरेस्त (एचएनडब्ल्यूआय) दुबयच्या रिअल इस्टेट मळार ३६,५०० कोटींची गुंतवणूक करतले. नायट फ्रँकान सांगिल्ल्या वट्ट खरेदीदारांतले २१७ संवसारीक जाल्यार १०० आखाती देशांतले बिगर निवासी आसात. नायट फ्रँकचे संशोधन मुखेली फैसल दुर्रानी हांणी सांगलें, फाटल्या पांच वर्सांत दुबयंत १२५ कोटी रुपयां परस चड मालमत्ता आशिल्ल्या लोकांची गिरेस्तकाय २८ टक्क्यां वयल्यान ७८ टक्क्यां मेरेन वाडल्या.
निवासी मालमत्तेंत भारतीय करतात सगळ्यांत चड गुंतवणूक
दुबयच्या रियल इस्टेट क्षेत्रांतल्या भारतीयांची पयली निवड म्हळ्यार निवासी मालमत्ता विकत घेवप. एअर शॅटोचे अध्यक्ष डॉ. समीर मोहम्मद हांच्या मतान चड निव्वळ संपत्ती आशिल्ल्या गिरेस्तां खातीर खाजगी हेलिकॉप्टर संचालकय उपलब्ध आसात. ताच्या आदारान वेवसायीक बसके खातीर आपल्याक जाय ते सुवातेर बेगीन पावूंक शकता. दुबयंतय बेगीनूच एअर टॅक्सी सुरू जातली. अशी सुविधा सुरू करपी आखाती देशांतलें दुबय हें पयलें शार आसतलें.
यूएयींत प्रॉपर्टीच्यो १.२० लाख डील, तांची किंमत ७.८ लाख कोटी रुपया
संयुक्त अरब अमिरातींत फाटल्या वर्सा विक्रमी १ लाख २० हजार प्रॉपर्टी डील जाल्या. ह्या सगळ्यांची किंमत ७,८०,००० कोटी रुपयां परस चड आशिल्ली. दुबयक खरेदीदारांची पयली पसंती आशिल्ली. उपरांत अबुधाबी आनी तिसर्या क्रमांकाचेर शारजा उरलें.
१६%नी एक घर रु. ६५० कोटींक घेतलें…
फाटल्या वर्सा दुबयंत हाय नेट वर्थच्या लोकांनी घर खरेदी खातीर विक्रमी खर्च केला. २५% लोकांनी घरा खातीर ५०० कोटी ते ६५० कोटी रु. खर्च केले. जाल्यार १६% लोकांनी ६५० कोटी रुपयां परस चड खर्च केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
