भांगरभूंय | प्रतिनिधी
डॉ. जितेंद्र सिंह : आयआयएसएफ २०२४ चें उक्तावण
गुवाहाटी, खबरां संस्था: गुवाहाटीक भारतीय आंतरराष्ट्रीय विज्ञान महोत्सव (आयआयएसएफ) २०२४ च्या १० व्या आवृत्तीचें उक्तावण आयज जालें. विकसीत भारताची कथा विज्ञानाच्या अक्षरांनी बरयतले, अशें केंद्रीय मंत्री डॉ. जितेंद्र सिंह हांणी त्या वेळार म्हणलें.
तांणी म्हणलें, भारताची उदरगती फाटल्यान विज्ञानीक उदरगत आनी नव्या कल्पनांचो व्हड वांटो आसा. विज्ञानाक उदरगतीचें मुखेल साधन मानून, फुडाराक तंत्रज्ञान आनी संशोधन समाजाच्या दरेका मळार, जशी भलायकी सेवा, गरजेच्यो सुविधायो तशेंच हेर गजालींत योगदान दिवपाक सदांच यत्न करपाक जाय.
आयआयएसएफ २०२४ चें एक खाशेलपण म्हणल्यार ताची पुराय विज्ञान पद्दत, सगळ्या विज्ञान मंत्रालयांक आनी धोरण निर्मात्यांक एकठांय हाडटा. हो मॉडेल पुराय सरकार धोरणाचेर आदारून आसा. जातूंत केंद्र सरकार आनी आसाम प्रशासनान महोत्सव येसस्वी करपाक एकठांय येवन काम केलां.
देशभरांतल्यान १० हजारां परस चड विद्यार्थ्यांनी हातूंत वांटो घेतला. आयआयएसएफ २०२४ न अजाप करपा सारक्या आसपावाचो अणभव घेतला. जो तरणाट्यां मदीं जिज्ञासा आनी वैज्ञानीक शोध घेवपाची संस्कृती निर्माण करपा खातीर हे माचयेचें म्हत्व अधोरेखीत करता. हो महोत्सव तरणाट्यांक शिकपाक, विज्ञानात आवड निर्माण करपाक आनी भारताक विज्ञान आनी तंत्रज्ञान मळार संवसारीक पांवड्यार मुखार व्हरपाक उर्बा दिवपाचें काम करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
