भांगरभूंय | प्रतिनिधी
संवसारीक क्रिकेट सर्तीचे पात्रताय फेरयेक आयच्यान सुरवात जाता. हाचो अर्थ स पंगडांतले दोन पंगड वर्साचे अखेरेक भारतांत जावपी संवसारीक वन डे क्रिकेट सर्तीचे मुख्य फेरयेंत सुवात मेळयतले.
सुपर सिक्सांत सुवात मेळोवपी पंगड शुन्यांतल्यान परतून गूण सुरू करचे नात. श्रीलंका आनी झिम्बाब्वे हांचे कडेन सध्या दरेकी चार गूण आसात. सुपर सिक्सांतल्या पंगडांक दोन गटांनी विभागल्यात. तांच्या गटांत नॅदरलॅण्ड आनी स्कॉटलॅण्ड हे पंगड आसात आनी तांकां श्रीलंका आनी झिम्बाब्वे पंगडांनी हारयल्यात. नॅदरलॅण्ड आनी स्कॉटलॅण्ड हांचे कडेन दरेकी दोन गूण आसात.
ह्या पुराय गूण गणनेंत सगल्यांत म्हत्वाची गजाल म्हणल्यार सध्या वॅस्ट इंडिजाचे शुन्य गूण आसात. पूण खरो प्रस्न म्हणल्यार वॅस्ट इंडिज संवसारीक सर्तीची पात्रताय मेळोवपाक शकता व्हय.
पुर्ण सर्तींत वॅस्ट इंडिजाची बॉलींग, बॅटींग आनी फिल्डिंग पळयली जाल्यार ते निश्चीत रितीन संवसारीक पात्र जावपाक योग्य ना अशें म्हणलें तरी, पात्रताय फेरयेंतल्या गुणांचें गणीत पळयलें जाल्यार तांचे कडेन अजून ल्हानशी संद आसा. सुपर सिक्सांत ओमान वा श्रीलंका आड हारलो आनी चार गुणां सयत सुपर सिक्साचो पांवडो सोंपयलो, तरी वॅस्ट इंडिज पयल्या दोन सुवातांचेर आशिल्ल्या पंगडांक खर आव्हान दिवपाक शकता. तशें जालें जाल्यार प्रकरण नेट रन रेटीचेर पावतलें.
पूण, वॅस्ट इंडीज जर तर हातूंत रावपाक सोदचो ना. सुपर सिक्सांतल्यो तिनूय मॅची जिखता जाल्यार ताचे कडेन संवसारीक सर्तीची पात्रताय मेळोवपाची बरी संद आसतली. पूण, तिनूय मॅची जिखून लेगीत ताका दुसऱ्या पंगडांच्या निकालांचेर निंबून रावचें पडटलें.
लंदाजी, फलंदाजी आनी फिल्डिंग ह्या सगळ्या सर्तींत दिसली जाल्यार मागीर तुमी नक्कीच म्हणटले की तांकां विश्वचषका खातीर पात्रताय मेळूंक शकना. पूण पात्रताय आनी गूण हांचे गणित पळयल्यार मागीर ताका अजूनय बारीक संद आसा. अजूनय ओमान वा श्रीलंका कडेन हारून सुपर सिक्स स्टेज चार गूण मेळोवन सोंपयल्यार चार पंगडां कडेन सर्त करून पयल्या 2 मदीं सुवात मेळटली अशें घडूं येता. अशें जालें जाल्यार सगळो मुद्दो नेट रन रेटाचेर देंवतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
