भांगरभूंय | प्रतिनिधी
मडगाव: वास्को, सांकवाळे आनी कांसावले ह्या रेल्वे विभागा मजगतीं लायन ब्लॉक आनी पॉवर ब्लॉकाचें म्हत्वाचें काम करपाचें आसा. हाका लागून दक्षीण पश्चीम रेल्वेन १८ नोव्हेंबर सावन ४५ दिसां खातीर म्हळ्यारूच १ जानेवारी २०२६ मेरेन वास्को-कुळें-वास्को ही रेल्वेसेवा पुरायेन रद्द केल्या.
दक्षीण पश्चीम रेल्वेन अधिसुचोवणी केल्ले प्रमाण, १८ नोव्हेंबर २०२५ ते १ जानेवारी २०२६ ह्या काळांत वास्को द गामा-सांकवाळ-कांसावले विभागा मजगतीं लायन ब्लॉक आनी पॉवर ब्लॉकचे काम करतले. ह्या कामा खातीर रेल्वे नंबर ५६९६४ (वास्को ते कुळें) आनी रेल्वे नंबर ५६९६३ (कुळें ते वास्को द गामा) ह्यो दोनूय सेवा पुरायेन रद्द केल्यात. ह्यान पयलीं १६ ऑक्टोबर ते १५ नोव्हेंबर अशो ३१ दिसांच्या काळा खातीर ही वास्को-कुळें-वास्को डेमू रेल्वे रद्द केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
