भांगरभूंय | प्रतिनिधी
भांगरभूंय । प्रतिनिधी
वास्कोः गोंय पर्यटन उदरगत म्हामंडळाच्या वेवस्थापना खालच्या वास्कोच्या वास्को रेसिडन्सी इमारतीचें पुराय नूतनीकरण करतले. फाटल्या चार दशकां सांवन पयली टुरिस्ट हॉस्टेल अशें नांव आशिल्ल्या ह्या हॉटेलांचे कांय वर्सां आदी वास्को रेसिडन्सी अशें नामकरण केल्लें.
नूतनीकरणाचें काम जाता तितल्या बेगीत हातांत घेवपाचें उतर आपल्याक पर्यटन मंत्री रोहन खवंटे हाणे दिलां अशें वास्कोचो आमदार कृष्णा साळकारान सांगले. फाटल्या जायत्या वर्सां सावन ह्या टुरिस्ट होस्टेला कडेन आड नदर चल्ल्या आनी ताचें नूतनीकरण करून ताका नवें रुप दिवपाची गरज आसा अशे साळकारान सांगलें.
सध्या इमारतीचें बांदकाम पोरणे जाला ताचें सिलिंग फॉल अदी मदीं पडटा. चडशे पर्यटन थंय रावपाक येनात. वास्को शारांत मुखेल सुवातेर आशिल्ल्या ह्या होस्टेल प्रकल्पाची जी अवतिकाय जाल्या ती पळोवपाक नजो जाता. सध्या तें पुराय ताकीन चलना अशी म्हायती ताणे दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
