भांगरभूंय | प्रतिनिधी
मुरगांव : वास्को रेल्वे स्टेशनाचेर कामार रुजू आसतना एका पुलीस हवालदाराक मरण आयलें. वास्को रेल्वे पुलीस स्टेशनावेले हवालदार संतोष हरिश्चंद्र घोगळे (४७) हांकां शेनवारा रातीं वास्को रेल्वे स्टेशनाचेर रुजू आशिल्ले कडेन मरण आयलें. ते ड्युटीक आसतना अचकीत जमनी कोसळ्ळे. उपरांत तांकां रोखडेच १०८ ऍम्बुलन्सींतल्यान दाबोळे-चिखलेच्या उपजिल्लो हॉस्पिटलांत दाखल केलें. उपरांत ताका दोतोरांनी मरण आयिल्ल्याचें सांगलें.
वास्को रेल्वे पुलिसांनी हवालदार घोगळे हांचो पंचनामो करून तांची कूड मडगांव जिल्लो हॉस्पिटलांत धाडली. आयतारा सकाळीं पोस्टमार्टमा उपरांत तांची कूड कुटुंबियांचे सुवादीन केली. आयतारा दनपरां वास्कोचे खारीवाडो हिंदू मसंडभूंयेंत तांचे कुडीचेर निमाणे संस्कार जाले. हवालदार संतोष घोगळे हे बायणा रावताले. तांच्या मरणान पुराय बायणा वाठारांत दुख्ख पातळ्ळां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
