भांगरभूंय | प्रतिनिधी
मुरगांव: वास्को पुलिसांनी मांगोरहीलचो अमित कामत आनी तीन अनवळख्यां आड एका मनशाचेर हल्लो केल्ल्याचो आरोप दाखल केला. दुबावितांनी पिडेस्ताचे तकलेर बियरीची बाटली फोडली आनी जिवो मारपाची धमकी दिली असो आरोप आसा.
सुरेश दोडामणी, नवेवाडे वास्को हांचे कागाळी वेल्यान, ५ जुलयाक फांतोडेर ४ वरांचेर सांकवाळेच्या सेंट जॅसिंटो बेटाक जोडपी पुलाचेर मंगोर हिलचो दुबावीत अमित कामत आनी हेर तिगांनी कागाळदाराक वायट उतरां दिलीं. उपरांत ताचेर मुठी मारून हल्लो केलो. ताचे तकलेर आनी आंगाच्या हेर भागांचेर बियरीच्यो बाटल्यो फोडल्यो. हाका लागून कागाळदाराक गंभीर दुखापत जाली. उपरांत दुबावितांनी गंभीर परिणाम भोगचे पडटलें, अशी धमकीय दिली.
वास्को पुलिसांनी दुबावितांचेर कलम ११८(१), ३५१(३), ३५२ आर/डब्ल्यू ३(५) ऑफ बीएनएस २०२३ खाला गुन्यांव दाखल केला. फुडलो तपास वास्कोचे पीएसआय मयूर सावंत करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
