भांगरभूंय | प्रतिनिधी
पणजीः महाराष्ट्रांतल्या एका पशुवैजकी म्हाविद्यालयांत पुताक प्रवेश मेळोवन दिता अशें सांगून एके बायलेक 12.86 लाख रुपयांची तोपी घाली. अशे तरेन फटवणूक करपाचे रॅकेट चलता आनी चार जाणांनी एकठांय येवन ही फटवणूक केल्या असो दुबाव आसा.
हे संबंदी दीपमाला कांबळे हांणी वास्को पुलीस स्टेशनांत दाखल केल्ले कागाळी प्रमाण, महाराष्ट्रांतले नेहा कांबळे, उत्तम कांबळे, सुहासिनी कांबळेआनी आकाश डांगे हांणी ऑगस्ट 2023 वर्सा वास्कोंत तिचे कडल्यान 12 लाख 86 हजार रुपया घेतले. ही रक्कम घेवन तांणी तिच्या पुताक क्रांतिसिंह नाना पाटील पशुवैजकी विज्ञान महाविद्यालयात प्रवेश दिवपाचें उतर दिलें. पुराय रक्कम दिवन लेगीत भुरग्याक प्रवेश मेळोवन दिवंक ना आनी पयशेय परत दिले ना. देखून फटवणूक जाल्ल्याचे बायल्याच्या लक्षांत येतकच तिणें कागाळ दाखल केली.
ह्या प्रकरणांत पुलीस निरीक्षक वैभव नायक आनी उपअधीक्षक गुरुदास कदम हांच्या फुडारपणा खाला उपनिरीक्षक पी. कार्व्हालो फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
