भांगरभूंय | प्रतिनिधी
मुरगांव : वास्कोचो श्री दामोदर भजनी सप्ता 22 ऑगस्टाक जातलो. तो मनोवपी (बाजारकार) उत्सव समितीची ‘पार’ समित्यां वांगडा बसका जाली. ह्या वेळार ‘पार’ समिती वांगडा विवीध विशयांचेर चर्चा जाली.
ह्या वेळार श्री दामोदर भजनी सप्तक (बाजारकार) केंद्रीय समितीचे परेश जोशी, उत्सव समितीचे अध्यक्ष विष्णू गारुडी, उपाध्यक्ष हेमंत फडते, सचीव विनायक घोंगे, भांडारी दामू कोचरेंकार, आदले अध्यक्ष अनंत नायक, शैलेंद्र गोवेकार, कृष्णा सोनुर्लेकार, शेखर खडपकार, संतोष शेट्ये, जितेंद्र शेट तानावडे, प्रताप गांवकार, नरेंद्र गुरव, भरत कोलगांवकार आनी हेर वांगडी हाजीर आशिल्ले. जाल्यार मुरगांव पत्तन फैलवाले कामगार संघटणेचे अध्यक्ष विठोबा हुमाणे, नवनाथ नायक, सुरेश गुरव, भारत पाटील, दिलीप नायक, महादेव मळगांवकार, बलराम बांदेकार, विश्वकर्मा ब्राह्मण समाजाचे उमेश च्यारी, श्रीराम च्यारी, दीपक च्यारी, श्री गाडेकर समाजाचे लक्ष्मण नायक, विशाल नायक,गुरुदास नायक, श्री दैवज्ञ ब्राह्मण समाजाचे प्रशांत चोडणकार, सुभाष लोटलीकार, सचीन बांदोडकार, अनील चोडणकार, श्री नाभिक समाजाचे सदानंद तेंडूलकार, सुभाष खांडोलकार, विजय सार्डेकार, कृष्णा तोरस्कार, अमर सुर्लीकार आनी हेर पदाधिकारी हाजीर आशिल्ले.
ह्या वेळार उत्सव समिती आनी ‘पार’ समितीचे जोड बसकेंत मेहता हाऊस नटराज थियेटरच्या मुखारच्या मंडपांत भजनाची पयली बसका सांजेवेळार 7 ते रातच्या 8.30 वरां मेरेन जातली. मुरगांव पत्तन फैलवाले कामगार संघटनेचो गायक ही बसका सादर करतले. श्री नाभीक समाज रातच्या 8.30 ते 10, श्री दैवज्ञ ब्राह्मण समाज रातचें 10 ते 11.30, श्री दामोदर भजनी सप्तक बाजारकार समिती रातची 11.30 ते रातची 1 वरां मेरेन भजनाची बसका जातली. तशेंच चारूय ‘पार’ समित्यो आपल्यो भजनाच्यो फुडली बसका वास्को जोशी चौकांतल्या मंडपांत सादर करतले. जाल्यार श्री गाडेकर समाजाची भजनाची बसका मुरगांव पालिकेच्या गणेश माचयेर आनी श्री विश्वकर्मा ब्राम्हण समाजाची भजनाची बसका पालिकेच्या मुखेल दारा मुखार जातली. उपरांत सगळ्या ‘पार’ दिंडीच्या गजरांत आपले ‘पार’ आनी ‘तळी’ घेवन मंदीरांत वतली.
बसकेंत अध्यक्ष गारुडी हांणी येवकार दिलो. उपकार सचीव घोंगे हांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
