भांगरभूंय | प्रतिनिधी
क्रूझ टर्मिनलाच्या येरादारी वेवसायांतल्यान कुशीक दवरिल्ल्याचो केलो निशेध
वास्को: क्रूझ टर्मिनलाच्या येरादारी वेवसायांतल्यान सेगीत कुशीक दवरिल्ल्याचो निशेध करीत वास्को टॅक्सीकारानी खर तिडक उक्तायली. तांणी आमदार कृष्णा साळकार आनी मुरगांवचे नगराध्यक्ष गिरीश बोरकार हांचे वांगडा बसका घेवन आपल्यो प्रलंबीत समस्या तांचे मुखार मांडल्यो.
हे बसके वेळार टॅक्सीकारांनी मुखेल अक्षेप नोंद केलो, जायत्या वर्सांची सेवा दिवन लेगीत तांकां शारांत सगल्यांत व्यस्त आनी फायद्याच्या थारिल्ल्या क्रूझ टर्मिनल संबंदी येरादारी वेवसायांत योग्य वाटो दिवंक ना. तशेंच टॅक्सीकारांनी तांच्या पोटा-पाणयाचेर परिणाम करपी जायत्यो समस्या ह्या वेळार मांडल्यो:
१५ दिसांचो अल्टिमेटम
टॅक्सी असोसिएशनान एकवटान सरकाराक १५ दिसांचो अल्टिमेटम दिला. ह्या काळांत तांच्यो मागण्यो मान्य जावंक ना जाल्यार व्हड आंदोलन वा सेवा बंद करपाचो वेळ येतलो अशी शिटकावणी तांणी दिली.
आमदार कृष्णा साळकार हांणी टॅक्सीकारांक आस्वासन दितना म्हणलें, ते स्वता मुख्यमंत्री डॉ. प्रमोद सावंत हांचे कडेन हो मुद्दो घेवन वतले. तशेंच तांणी आरटीओक बेगोबेग अवैध पार्कींग आनी अनधिकृत येरादारी आड कारवाय सुरू करपाचे निर्देश दिले. मुरगांव पालिका अध्यक्ष गिरीश बोरकार हांणी वास्को नवीन टॅक्सी स्टँडा खातीर सुवात निश्चीत केल्ल्याची म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
