भांगरभूंय | प्रतिनिधी
वास्को: दाबोळी विमानतळा भायल्या महामार्गा लागसारा आडनदर जाल्ल्या ट्रॅफीक बुथाक लागून हांगचें सोबितीकरण इबाडटा. हो बूथ काडपाक राष्ट्रीय महामार्ग प्राधिकरण, ट्रॉफिक पुलीस आनी हेर संबंदीत यंत्रणां तयार ना. ताका लागून नागरीक विवीध प्रतिक्रिया उक्तायतना दिसतात.
दाबोळी विमानतळा मुखारचे दोनूय वटेनच्या ग्रेड सेपरेटरच्या पयलीं थंयच्या चौकांत येरादारी वेवस्थे खातीर ट्राफीक सिग्नल्स लायिल्ले. तशेंच ट्राफीक पुलीस तैनात केल्ले. थंय पुलिसांक मात्सो विसव घेवपाक मेळचे खातीर थंय ट्राफीक बूथ उबारिल्लो. २०१९त ग्रेड सेपरेटर येरादारी खातीर उक्तें केले उपरांत ह्या ट्रॉफीक बुथाची गरज सोंपली. ताका लागून तो बूथ थंयच्यान काडपाची गरज आशिल्ली. मात आजूनय हो बूथ थंयच्यान हालोवंक ना. ह्या बुथाची सध्या सामकी बाबत अवस्था जाल्या. हो बूथ दाबोळी विमानतळ तशेंच म्हामार्गाच्या सोबितीकरणाक बाधा हाडटा. सध्या हो बूथ थंयच्यान काडपाची मागणी जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
