भांगरभूंय | प्रतिनिधी
वास्को: वास्कोच्या गोवा शिपयार्ड लिमिटेडाक ‘गौरवशाली राजभास किर्ती’ चो तिसरो पुरस्कार फावो जालो. गुजरातांत आयोजीत केल्ले एके कार्यावळींत गोवा शिपयार्डचे अध्यक्ष आनी वेवस्थापकीय संचालक ब्रजेश कुमार उपाध्याय हांणी हो पुरस्कार स्विकारलो.
गृह मंत्रालयाच्या राजभास विभागान २०२४-२५ ह्या वर्सा खातीर सरकारी मळावेल्या उपक्रमांत राजभास अंमलबजावणी मळार उत्कृश्ठ कामगिरी करपी विवीध भौशीक उपक्रमांक गटनिहाय पुरस्कार दिले. गोवा शिपयार्डाक ‘जी’ गटांत भौशीक मळावेल्या उपक्रमा खातीर राजभाषा किर्ती पुरस्कार भेटयलो. गांधीनगर गुजरातांत १४ तारखेर हिंदी दिसा निमतान आयोजीत केल्ल्या पांचव्या अखिल गोवा राजभास संमेलना वेळार केंद्रीय न्याय राज्यमंत्री अर्जुन राम मेघवाल आनी राज्यसभा खासदार दिनेश शर्मा हजर आशिल्ले. तांचे हस्तुकीं गोवा शिपयार्डचे ब्रजेश कुमार उपाध्याय हांकां हो पुरस्कार भेटयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
