भांगरभूंय | प्रतिनिधी
भांगरभूंय । प्रतिनिधी
वास्कोः वास्को शारांतले भलायकी केंद्र चिखलीच्या उपजिल्हो हॉस्पिटलांत व्हरपाच्यो हालचाली सुरू जाल्यात. ह्या केंद्राच्या स्थलांतरणान गैरसोय जातली अशी भिरांत थळाव्या लोकां मदीं पातळ्ळ्या. मलेरिया, डेंग्यु आनी हेर दुयेंसाचेर उपचार घेवपा खातीर चिखली वच्चें पडटलें तेन्ना केंद्राचे स्थलांतरण करचें न्हय अशी तांची मागणी आसा.
वास्को भलायकी केंद्र मदले सुवातेर गियाह इमारतींत आसा. थंय एक दोतोर आनी धा कर्मचारी आसात. घाणयाऱ्या उदका संबंदीच्यो कागाळी, मजुरांची भलायकी कार्डा, वेपारी आस्थापनांक ना हरकत दाखलो दिवप, जळेंरांचो प्रादूर्भाव जाल्यार वखदां फवारणी करप, मलेरिया, डेंग्यु विशीं लोकां मदीं जाग्रुताय करप ही कामां ह्या केंद्रांतल्या जातात.
हें केंद्र मुरगांव आनी वास्को मतदारसंघांतल्या लोकांक सोयीचें आसा. मात कांय कारणांक लागून ते चिखली उपजिल्हो हॉस्पिटलांत व्हरपाच्यो हालचाली सुरू जाल्यात. लोकांक बरे पडली हें केंद्र दुसरे कडेन व्हेल्यार लोकांची गैरसोय जातली हातूंत दुबाव ना. तें दुसरे कडेन व्हरपाच्या निर्णयाचो परत विचार करचो तशेंच हें वास्को शार भलायकी केंद्र आशिल्ल्यान तें शारांतूच आसपाक जाय अशें जायत्या लोकांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
