भांगरभूंय | प्रतिनिधी
भांगरभूंय । प्रतिनिधी
वास्कोः वास्को पालिका मंडळान पालिका वाठारांत पावसा पयलींच्या कामां सुरवात केल्या. बांदकाम खात्या वतीन सोमाराक भुतेभाट हांगच्या व्हाळांतलो चिखोल काडपाचें काम सुरू केलें. ह्या वेळार नगरसेविका शमी साळकार आनी गिरीश बोरकार हाजीर आशिल्ले. पालिका मंडळाच्या सगळ्या प्रभागांनी पावसा पयलींच्या कामांक सुरवात करतले अशें शमीन सांगलें.
रस्त्या कुशीक आशिल्ल्या झाडांच्ये खांदें मारतले. गटारां नितळ करतले आनी जंय व्हाळ आसात तातूंतलो चिखोल काडटले अशी म्हातती ताणे दिली. कांय प्रभागांनी व्हाळांत पावसाच्या दिसानी उदक चडून हुंवार येता. ते येवचे न्हय हे खातीर खासा उपाय येवजण करतले. भुटेभाट व्हाळा सावन चिखोल काडपाच्या कामाक सुरवात केल्या. तनया हॉटेल तशेंच हिंदू मसंडभुंयेकडल्या आनी धाकतोळें हांगच्या व्हाळांतलो चिखोल काडटले. पोरूं पावसा पयलींची सगळीं कामां केल्य्यान आमका उदकाच्या पावसाचो चड त्रास जालो ना असो दावो साळकारान केलो.
भुतेभाट व्हा सकल वाठार आशिल्ल्यान थंय पावसा पयलींचीं काम पयलीं करपाक आमी सांगलां अशे गिरीश बोरकारान सांगलें.. पावसांत ह्या व्हाळाचें उदक तुंबता आनी तें मेस्तवाडो, ओरुलें, बेलाबाय आनी हेर सरभोंवतणच्या वाठारांत वता. ताका लागून भुतेभाट व्हाळ नितळ करपाक प्राधान्य दिलां अशें ताणे सांगलें. मजगतीं, वास्कोचो आमदार कृष्णा साळकार सद्या कर्नाटकांत भाजपाचो प्रचार करपाक गेलो. पावसा पयलींची कामां करपाक आपली वाट पळयनाकात अशें ताणे सांगलां अशी म्हायती ताणे दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
