भांगरभूंय | प्रतिनिधी
भांगरभूंय । प्रतिनिधी
वाळपयः वाळपय वाठारांत दुचाकी चोरून व्हरपाच्या प्रकारांत वाड जाल्या. फाटल्या आठ दिसांत दोन मोटरसायकलींची चोरी जाल्यो तातूंतली एक मोटरसायकल वाळपच्या कदंब बसस्टॅण्डार मेळ्ळी. दुचाकी धनयांनी जनताय घेवपी अशें पुलिसांनी कळीत केलां. वाहन चालकांनी वेगवेगळ्या वाठारांत पुलीस गस्त दवोरपाची मागणी केल्या.
एकल्यान आपली दुचाकी सकाळीं पार्क करून दवोरून तो पणजे कामाक गेल्लो. सांजे येवन पळयल्यार ती जाग्यार नाशिल्ली. ती वाळपय स्टेट बँकेच्या फाट्या सामकार मेळ्ळी. आनीक एक स्कूटर ना जाल्ली मेळ्ळी. वाळपयले बरेच जाण वाळपय आपली वाहनां पार्क करून कामा खातीर पणजे आनी हेर कडेन वतात. बांबोळे जीएमसींत वा हेर कडेन वचपी कर्मचारी आपलीं वाहना वाळपय कंदब बसस्टॅण्ड आवाठांत पार्क करून वतात. ताचो फायदो घेवन दुचाकी चोरपाचे प्रकार जावपाक लागल्यात.
वाहनां पार्क करून दवोरतात थंय पुलिसाक दवोरचो अशी वाहन चालकांनी मागणी केल्या. दोन वर्सां आदीं वाळपय पालिका मार्केटाच्या तळमाळेर वाहना पार्क करून दवोरताले. त्या वाहनांतले पॅत्रोल, डिझेल काडून व्हरपाचे प्रकार जावपाक लागल्ल्यान थंय पुलीस पारो दवोरतगीक हे प्रकार बंद जाले. सध्या दुचारी चोरपाचे प्रकार जावपाक लागल्ल्यान भिरांत पातळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
