भांगरभूंय | प्रतिनिधी
भांगरभूंय । प्रतिनिधी
वाळपयः शेजारच्या महाराष्ट्रांतल्या वाठारांतल्यान गोंयांत खैरीच्या लाकडाची चोरी करपाक आशिल्ल्या बारा जाणांक ताब्यांक घेवन उपरांत सोडले. तातूंतल्या एकल्याचेर गुन्यांव नोंद केला. खैरीच्या लाकडाची येरादारी करपाक हाडल्ली जीए 08 ए 0445 ही टाटो सुमो जप्त केल्या. खैरीच्या चोरयेंत जायते जाण घुस्पल्ल्याचो दुबाव आसा.
महाराष्ट्र आनी गोंयचे शीमेर आशिल्ल्या आई ह्या गांवातले कांय लोक खैरी लाकड्याची चोरी करपा खातीर वाहन तशेंच कटर घेवंन आयल्यान अशी म्हायती रातयां गस्तीचेर आशिल्ले राना खात्याचो अधिकारी शामसुंदर गांवस हाका मेळल्ली. गुळेली हांगा तांका सुमो दितली. फाटलाव करून ताणे ती सुमो धरली. तातूंत बारा जाण आशिल्ले तशेच जनरेटर, कटर, कोयती, कुऱ्हाड मेळ्ळी. सुमोत खैरीचे लाकूडाचे कुडके आशिल्ले.
ताब्यांत घेतल्ल्यांची चवकशी करून संदेश सुर्यकांत नायक (दोडामार्ग) हाचेर गुन्यांव नोंद करून बाकीच्या सोडले. सुमोचो धनी व्हो लाकूड चोरये फाटलो मुखेल सूत्रधार आसा अशी म्हायती राना अधिकाऱ्याक मेळ्ळ्या. सुमो गोंयांतल्या रजिस्ट्रेशनाची आसा. लाकडाची चोरू करपाक थळाव्यांचो आसपाव आसपाचो दुबाव अधिकाऱ्यांनी उक्तायला. सहाय्यक उपवनपाल विश्वास चोडणकार हांणी पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
