भांगरभूंय | प्रतिनिधी
भांगरभूंय । प्रतिनिधी
वाळपयः वाळयच्या सरकारी तालुको ग्रंथालयांत दर वर्सा प्रमाण अदूंय दिवाळी अंकांचें प्रदर्शन भरयलां. ग्रंथालयांत आयिल्ल्या दीप्ति सावंत, शीला गांवकार, मिरा भोसले, देविका सावंत ह्या वाचकांचे हस्तुकीं ताचें उक्तावण केले. नवी पुस्तकां, दिसाळी उपलब्द करून लोकांक वाचनाची संवकळ तयार करपाचें काम वाळपयचें ग्रंथालय करता अशें दीप्ति सावंत हिणे ह्या वेळार सांगलें.
प्रदर्शनांत 140 परस चड दिवाळी अंक दवोरल्यात. ग्रंथालयांत 26 हजारां परस चड वेगगेगळ्या भाशेंतली पुस्तकां आसा. वाचकांचो आंकडो 2,889 आसा. दिसपट्टे सुमार 100 वाचक ग्रंथालयांत येतात. साहित्य मोगींक दिवाळी अंक वाचपाक मेळटात, भुरग्या खातीर ताच्या आवडीचीं पुस्तकां उपलब्द करून दिल्यांत. सद्या दिवाळेची सुटी आशिल्ल्यान विद्यार्थी लेगीत ग्रंथालयांत येवन वाचनाचो आनंद घेतात. दिवाळी अंक प्रदर्शन आठ दीस चलतले. ते उपरांत वाचकांक अंक घरा व्हरून वाचपाक मेळटले अशें ग्रंथालयाच्या जाळवणदारांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
