भांगरभूंय | प्रतिनिधी
वाळपय: वाळपय-ठाणें मार्गार कोपाड्ड्यां प्रवासी बस आनी दुचाकी हांचे मदीं जाल्ल्या अपघातांत दुचाकी चालक गंभीर जखमी जालो. हो अपघात काल (बुधवारा) दनपारां एक वरांच्या सुमाराक घडलो.
हे विशीं मेळिल्ले म्हायती प्रमाण जीए 08 व्ही 2425 ही प्रवासी बस वाळपय सावन ठाणें वटेन वताली. कोपाड्ड्यां एका व्हॉल्तार पार्क करून दवरिल्ल्या चार चाकी वाहनाक ओव्हरटेक करपाचो यत्न करीत आसतना बस ड्रायव्हरान बस घुंवडायली तेन्ना मुखा वेल्यान येवपी जीए 03 एएस 9103 ह्या दुचाकी चालकान प्रवासी बशीच्या दर्शनी भागाक नेटाचो धपको दिलो.
हो धपको इतलो मोटो आशिल्लो की दर्शनी भागाचें बरेंच लुकसाण जालें. ह्या अपघातांत दुचाकी चालकाच्या हाताक आनी तकलेक जखम जाल्या. थळाव्या लोकांनी 108 अॅम्बुलन्सीन ताका वाळपय सरकारी समाजीक हॉस्पिटलांत दाखल केलो. मुळावे उपचार केले उपरांत ताका फुडल्या उपचारा खातीर बांबोळे गोमॅकाँत धाडून दिलाे.
मेळिल्ले म्हायती प्रमाण रातीं उसरां ताका गोमॅकाँतल्यान घरा धाडून दिला. ताच्या हाताक आनी तकलेक मार बशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
