भांगरभूंय | प्रतिनिधी
वाळपयः ठाणे रस्त्याचेर हुसेन मुजावर हांच्या घराचेर रानवटी झाड पडून किरकोळ प्रमाणांत लुकसाण जालें. त्या घरांत कोणूच रावानाशिल्ल्यान अनर्थ टळ्ळो.
वाळपय उजो पालोवपी दळाच्या जवानां कडल्यान मेळिल्ले म्हायती प्रमाण 17 एप्रीलाक सकाळीं 11 वरांच्या सुमाराक वाळपय- ठाणे रस्त्या वयल्या व्हीपीके बँके लागसार आशिल्ल्या मुजावर हुसेन हांच्या घराचेर झाड पडलें. ताका लागून घराचे एके बाजूचें कांय प्रमाणांत लुकसाण जालें.
उजो पालोवपी दळाचे म्हायती प्रमाण त्या घराचें सुमार 10 हजार रुपयांचें लुकसाण जालां. ह्या संबंदांत पंचनामो करून वरिश्ठ अधिकाऱ्यांक सादर करतले, अशें दळाच्या अधिकाऱ्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
