भांगरभूंय | प्रतिनिधी
भांगरभूंय । प्रतिनिधी
वाळपयः वाळपयच्या हेडगेवार शाळेंत श्रावणी पुनवेक संस्कृत दीस मनयलो. तातूंत पांचवे यत्तेंतल्या विद्यार्थ्यांनी संस्कृत गीत सादर केलें. शाळेचो वेवस्थापन समितीचो सचीव तशेंच निवृत्त शिक्षक प्रकाश गाडगीळ हांणी संस्कृत दिसाचें म्हत्व सांगलें.
संस्कृत भास शिकपा खातीर भुरग्यांक उर्बां दिवपाक जाय ह्या विचारान पर्वरीच्या राज्य शिक्षणीक अनुंसदान प्रशिक्षण परिशद आनी गोमंतक संस्कृत्तोतेजक मंडळ, कवळें हांच्या जोड पालवान संस्कृत दीस समारोह सर्त आयोजीत केल्यात. तातूंत वळपयच्या हेडगेवार शाळेचे 10 विद्यार्थी वांटेकार जाल्ले.
निधी भूषण जोशी, पार्थ राजन नवाथे सावयकार, निहारिका भालचंद्र गांवस, आराध्या राजन सावयकार, रजत साईप्रसाद कुडणेकार, आरव भूषण देस, स्पर्श राजेश शेट्ये हांणी अ गटांत सुभाशीत वाक्य पाठांतर सर्तींत वांटो घेतलो. क पंगडांत सवे यत्तेचे उर्वी विजयकुमार देसाय, अद्वैत अवधूत जोशी, राघव रवींद्र सावयकार हांणी सुभाशीत पाठांतर सर्तींत वांटो घेतलो.
सुभाशीत पाठांतर सर्तींत दुसरे यत्तेंतलें निधी भूषण जोशीन सत्तरी तालुको पांवड्यार पयलें आनी राज्य पंवड्यांत दुसरे इनाम मेळयलें. दुसरे यत्तेंत शिकपी पार्थ राजन नवाथे सावयकारान तालुको पांवड्यार उमेद वाडोवपी इनाम मेळयलें. शाळेंत आयोजीत केल्ले संस्कृती दीस कार्यावळींत प्रकाश गाडगीळ हांचे हस्तुकीं तांकां प्रशस्तीपत्रकां आनी इनामां भेटयलीं. कार्यावळीचें सूत्रसंचालन शिक्षिका वेदा जोशी हिणे केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
