भांगरभूंय | प्रतिनिधी
भांगरभूंय । प्रतिनिधी
बेळगांवः ऑगस्ट- सप्टेंबर म्हयन्यांत जावपी तामिळनाडूंतल्या वालंकिणी सायबिणीच्या फेस्ताक लागून वास्को- वालंकिणी मगजतीं तीन खाशा रेल्वे सोडपाचें दक्षीण पश्चीम रेल्वेन थारायलां.
रेल्वे नंबर 07357/07358 वास्को- वालंकिणी- वास्को रेल्वे 27 ऑगस्टाक सकाळीं 9 वरांचेर वास्कोच्यान सुटून 28 ऑगस्टाक दनपारां 2.25 वराचेर वालंकिणी पावतली. रेल्वे नंबर 07358 वालंकिणीच्यान 28 ऑगस्टाक सकाळीं 11.45 वरांचेर सुटून 30 ऑगस्टाक सांजे 4 वरांचेर वास्को पावतली.
रेल्वे नंबर 07358 2 सप्टेंबराक वास्कोच्यान दनपारां 2.30 वरांचेर सुटून 3 सप्टेंबराक सांजे 7.10 वरांचेर वास्को पावतली. रेल्वे नंबर . 07360 वालंकिणीच्यान 4 सप्टेंबराक सकाळीं 9.15 वरांचेर सुटल्ली आनी 5 सप्टेंबराक सकाळीं 10 वरांचेर वास्को पावतली. 6 सप्टेंबराक वास्कोच्यान आनी 8 सप्टेंबराक वालंकिणीच्यान रेल्वे सोडले.
मडगांव, सावड्डें- कुडचडें, कुळें, कॅसलरॉक, लोंढा, धारवाड, हुबळी, हावेरी, रानीबेन्नूर, देवगिरी, बिरूर, आशिकेरे, तिपतूर, तुमकूर, चिकबनवर, बनासवाडी, तंजावर, नागापट्टीनम रेल्वे स्टेशनांत ह्यो रल्वे थांबो घेतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
