भांगरभूंय | प्रतिनिधी
मडगांव : फात्राडे- वार्काच्यान मडगांवां वतना दुचाकी वेल्यान नियंत्रण सुटून ती चलोवपी ब्लिस्टन नेल्विटन मार्टिन्स (20) हो तरणाटो जखमी जालो. हॉस्पिटलांत व्हरचे पयलींच ताका मरण आयलें. कोलवा पुलिसांनी अपघाताची नोंद केल्या.
चड म्हायती प्रमाण, अपघाताची ही घडणूक बुधवारा रातीं सुमार सवाय णवांक घडली. ब्लिस्टन हो पेडे, लोलयें, काणकोणचो. तो फात्राडे वार्काच्यान मडगांवां वतालो. ताची दुचाकी वार्का रेप्रावाड्यावेले ऍक्सिस बँकेच्या लागसारच्या रस्त्यार आयली तेन्ना ताचें दुचाकी वेलें नियंत्रण सुटलें. ब्लिस्टन रस्त्यार नेटान आपटल्ल्यान ताका गंभीर दुखापत जाली. नागरिकांनी 108 ऍम्बुलन्सींतल्यान बिस्टनाक दक्षीण गोंय जिल्लो हॉस्पिटलांत व्हेलो. वैजकी अधिकार्यांनी तपासणी केली तेन्ना ताका मरण आयिल्लें. उपरांत कोलवें पुलिसांक पंचनामो केलो.
कूड पोस्टमार्टमा खातीर हॉस्पिटलाच्या मोर्गांत दवरल्या. उपनिरीक्षक वर्षदा नायक देसाय फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
