भांगरभूंय | प्रतिनिधी
वाराणसी, खबरां संस्था: वाराणसींत एका १९ वर्सां पिरायेचे चलयेचेर १९ मार्च ते ४ एप्रील अशे स दीस बलात्कार केलो. ताचे पयलीं ताका व्हडा प्रमाणांत घुवळे वखदां दिल्लीं. ही चली बेपत्ता आशिल्ल्याचें तिच्या पालकांनी नोंद केले उपरांत तिचो सोद सुरू जालो. ती सांपडली. मात तिका वेगवेगळे सुवातेर व्हरून, हॉटेलांनी व्हरून आनी घुवळे वखदां दिवन तिचेर बलात्कार केलो. हेंय उक्ताडार आयलें. ह्या प्रकरणांत पुलिसांनी आतां मेरेन १० परस चड आरोपींक अटक केली.
वाराणसीची ती नेमकी घडणूक कितें?
पुलिसांनी दिल्ले म्हायती प्रमाण, पिडेस्ताचेर २९ मार्च ते ४ एप्रील ह्या काळांत २३ जाणांनी सामुहीत बलात्कार केलो. पिडेस्ताच्या कुटुंबान हे विशींची कागाळ ६ एप्रिलाक दाखल केली. पुलिसांनी ह्या प्रकरणांत दुबावितांचेर गुन्यांव नोंद केला. तशेंच ह्या २३ जाणां मदल्या १२ जाणांची वळख पटल्या. राज विश्र्कर्मा, समीर, आयुष, सोहेल, दानिश, अनमोल, साजिद, झाहीर, इम्रान, जैब, अमन आनी राज खान अशी वळख पटिल्ल्या दुबावितांचीं नांवां जावन आसात.
मजगतीं, प्रधानमंत्री नरेंद्र मोदी हांणीय हे विशीं खर कारवायेचे निर्देश दिल्यात. पुलीस हेर दुबावितांचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
