भांगरभूंय | प्रतिनिधी
वायनाड, खबरां संस्था: केरळांतल्या वायनाडांत व्हड पावसाक लागून जाल्ले घडणुकेंत मरण आयिल्ल्यांचो आंकडो ४०२ जाला. हातुंतले १८१ कुडींचे फकत अवयव सांपडल्यात. अजून १८० लोक बेपत्ता आसात. आयज (६ ऑगस्ट) सोद मोहिमेचो आठवो दीस जावन आसा.
मजत पंगड आयज सोचीपाराच्या सनरायज व्हॅली वाठारांत सोद घेतले. हो इतलो व्हड वाठार आसा जाचें आजून सोद काम पुराय जावंक ना. हवाई दळाच्या हेलिकॉप्टरांतल्यान एक पंगड हांगा वतलो. बादीत वाठार ६ विभागांनी विभागून सोद कारवाय सुरू आसा.
दुसरे वटेन सोमारा रातीं उसरां पुथुमाला शारांत मरण आयिल्ल्या २९ अनवळखी व्यक्तींचो आनी १५४ कुडींचेर सामुहीक निमणे संस्कार केले. तांच्या आत्म्यांक शांती मेळची म्हणून मंगळारा आंतरधर्मीय प्रार्थना घडोवन हाडली.
मजगतीं, वायनाडांतल्या मुंडक्काई, चुरलमाला, अट्टामाला आनी नूलपुझा गांवांनी २९-३० जुलयाक सकाळीं सुमार २ वरांचे पालसणां कोसळिल्लीं. हातूंत घरां, पूल, रस्ते, वाहनां व्हांवून गेलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
