भांगरभूंय | प्रतिनिधी
प्रेमेंद्र शेटः सांखळे ज्येश्ठ कलाकारांचो सत्कार
भांगरभूंय । प्रतिनिधी
केरी-सत्तरी : युवा पिळगेर वायट मार्गा पासून फकत संगितूच आडावपाक शकता. हे खातीर पालकांनी भुरग्यांक संगिता वटेन धाडचे, अशें मयेंचे आमदार तशेंच फलोत्पादन म्हामंडळाचे अध्यक्ष प्रेमेंद्र शेट हांणी सांगलें.
हरवळें सांखळेच्या राधाकृष्ण संगीत अकादमी तशेंच कला आनी संस्कृती संचालनालय हांच्या जोडपालवान आयजीत केल्ल्या 13 व्या सर्गेस्त धोंडू भिकू नायक यागस्तीक सुवाळ्यांत ज्येश्ठ कलाकारांच्या सत्कार सुवाळ्यांत आमदार शेट मुखेल सोयरे म्हूण उलयताले. ह्या वेळार तांचे वांगडा माचयेर शास्त्रीय गायक पं. चंद्रकांत धोंडू नायक, अकादमीचे अध्यक्ष प्रा. संतोष मळीक, सचीव दत्ताराम माडकार, भांडारी अनील जल्मी, संस्थापक रामचंद धोंडू नायक, श्याम फातर्पेकार हाजीर आशिल्ले.
आमदार शेट हांचे हस्तुकीं तबला वादक यशवंत देविदास, हार्मोनियम वादक इंद्रकांत कुडणेंकार आनी भजनी कलाकार प्रेमानंद वेलिंगकार हांचो शाल, नाल्ल आनी यादस्तीक चिन्न दिवन सत्कार केलो. संजय सालेलकार हांणी सुत्रसंचालन केलें जाल्यार रामचंद्र नायक हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
