भांगरभूंय | प्रतिनिधी
पोरूं आंगवण पावोवपाक केल्ली 11 दिसांची सेवा
भांगरभूंय । प्रतिनिधी
फोंडें: बेतोडें पंचायतींतल्या निरंकाल वाठारांत फाटल्या कितल्याश्याच वर्सांच्यान रावपी वानरमारे जमातीच्या लोकांनी अंदूं 7 दिसांचो गणपती पुजला. कोरोना म्हामारीची बादा जावंक नाशिल्ल्यान केल्ली आंगवण पावोवपा खातीर पोरूं जमातीच्या लोकांनी गणपतीची 11 दीस सेवा केल्ली.
निरंकाल वाठारांत खोंपींनी रावपी वानरमारी जमातीचे लोक दरवर्सा चवथ व्हड उमेदीन मनयतात. अंदूंय सात दीस गणपती दवरपाचो निर्णय घेतला.
कोरोना म्हामारीचें संकश्ट आयले उपरांत ह्या लोकां मदीं भिरांत पातळिल्ली. त्या वेळार जमातीचे मुखेली गोपाळ पवार आनी हेरांनी गणपतीक गाराणें घातिल्लें. सगळ्या भावांक कोरोना पासून पयस दवरल्यार 11 दीस सेवा करपाची आंगवण केल्ली. जमातीच्या लोकांनी पोरूं 11 दिसांच्या गणपतीची आंगवण पावयल्ली. सरकारान ह्या जमातीच्या लोकांक हे आदीं आधारकार्ड, रेशनकार्ड, मतदानकार्ड, शौचालय आनी नळाचें उदक उपलब्ध करून दिलां. तशेंच रस्तो लेगीत बांदून दिला. खोंपीं लागसार लायटीचे खांबे घातल्यात. फक्त खोंपींनी कनेक्शन दिवपाचें उरलां. वीज कनेक्शन घेवचे खातीर जमातीच्या लोकांनी सगळे कायदेशीर सोपस्कार पुराय केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
