भांगरभूंय | प्रतिनिधी
सांगें, प्रतिनिधी: सांगें मतदार संघांतल्या वाडें कुर्डी पंचायत सरपंचपदार चंदन उनंदकार हांची विरोधाविणें निवड जाली. ह्या वेळार आदले सरपंच प्रज्योत गांवकार, साहिल वेळीप, जुजेफिना फर्नांडीस सोडल्यार आंतोनेता नोगेरो, आवेलीना वाझ आनी जयश्री गांवकार हजर आशिल्ले.
सरपंच साहिल वेळीप हांणी आपल्या पदाक न्याय दिवंक नाशिल्लो. फकत पदापुरतो सरपंच उरिल्ल्यान ताका पदाचो राजिनामो दिवचो पडलो. धा-बारा दिसां आदीं तांणी आपल्या पदाचो राजिनामो दिल्लो. ही सुवात रिती आशिल्ल्यान चंदन उनंदकर हांचो एकूच अर्ज आयिल्ल्यान वेंचणूक अधिकारी गुणेश देसाय आनी सहायक अधिकारी सुमंत नायक हांणी उनंदकर हांची विरोधाविणें निवड जाल्ल्याची घोशणा केली.
ह्या वेळार सरपंच चंदन उनंदकर हांणी, हेर सगल्या पंच वांगड्यांक वांगडा घेवन गांवची उदरगत करतले. मंत्री सुभाष फळदेसाय हांच्या मार्गदर्शना खाला तांच्याच सहकार्यान धरणग्रस्थांचे प्रस्न सोडयतले अशें तांणी सांगलें. तशेंच आपल्याक सरपंच पदाचो मान दिल्ले खातीर पंच वांगड्यांचे आनी गांवच्या लोकांचे तांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
