भांगरभूंय | प्रतिनिधी
अन्न सुरक्षा विभागान दिली धक्को दिवपी म्हायती
बंगळुरू, खबरां संस्था: केक म्हणल्यारुच जायत्या जाणांच्या तोंडाक उदक सुट्टा. मात हो केक खाल्ल्यान निर्माण जावपी धोके कळ्ळ्यार तुमचें तोंडाक येवपी उदक आट्टलें. कर्नाटक अन्न सुरक्षा विभागान केकीच्या नमुन्यांचें परिक्षण केलें. हातुंतल्यान केक सरळ कॅन्सराक निमंत्रण दिवपाक शकता असो भंय तांणी उक्तायलो. केल्ल्या सर्वेक्षणांत १२ तरेच्या केकींक लागून कॅन्सराक निमंत्रण दिल्ल्याचें समजलें.
केकीच्या २३५ नमुन्यांचें परिक्षण केलें. हे विशीं १२ केकींत आर्टिफिशियल रंग सांपडले. जे कॅन्सराक आमंत्र दिवपाक शकता. धक्को दिवपी गजाल म्हणल्यार ह्या केकीं भितर तुमचो आवडटो ब्लॅक फॉरेस्ट, रेड व्हेलवेटचोय आसपाव आसा. ह्या केकींतली धोको निर्माण करपी रसायनां तुमची शरिरीक आनी मानसीक भलायकी इबाडपाक शकता.
जायत्या कृत्रीम रंगाच्या खाणांनी कॅन्सरा सारके विखारी पदार्थ आसतात. सनसेट येलो सारकिल्ल्या हेरूय कांय कृत्रीम रंगांक लागून अस्थमाचो त्रास जाता. घातकी रंग खाल्ल्यान सूज, स्वास घेवपाक आडखळ निर्माण जाता. अस्थमा दुयेंती मदीं ह्या रंगांक लागून ऍलर्जीच्या प्रमाणांत ५२% वाड जाता. ह्या अश्या कॅन्सर जावपी रंगांच्या केकींक लागून तुमचे आमचे भलायकेचेर वायट परिणाम जावपाक शकता.
सिंथेटीक रंगाक लागून पोटान इबाड, मळमळ, ओकूंक येवपाक शकता. तशेंच दोळ्यांचे विकार, यकृतांचे विकार जावपाचो भंय आसता. कर्नाटक फूड सेफ्टी डिपार्टमेंटान ह्या रंगीत केकींचो अभ्यास करून हो दावो केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
