भांगरभूंय | प्रतिनिधी
सावयवेरें: मेटवाडो – वळवय हांगासरल्या श्रीसत्यनारायण देवस्थानाच्या वर्धापन दीस सुवाळ्या निमतान आयोजीत केल्ल्या विजय सावंत पुरस्कृत ‘स्वर संदेश’ ही सुगम संगिताची कार्यावळ बरीच रंगली.
गोंयचे नामनेचे गायक संदेश खेडेकार आनी गायिका सिद्धी सुर्लकार पिळगांवकार हांणी भक्तिगीतां, भावगीतां आनी नाट्यगीतां सादर करून रसिकांचेर मोनेळ घालो.
तांकां हार्मोनियमाचेर महेश धामस्कार, तबल्याचेर पं. तुळशीदास नावेलकार आनी मिलिंद परब, पखवाज विलास पालकार, टाळ सुधीर नायक हांणी बरी साथ संगत केली. ध्वनी संयोजक म्हूण महेश भोमकार जाल्यार निवेदक म्हूण महेश शिलकार हांणी बरी बाजू सांबाळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
