भांगरभूंय | प्रतिनिधी
नवी दिल्ली, खबरां संस्था: आयसीसी वनडे वर्ल्ड कप २०२३ ची निमाणी मॅच १९ नोव्हेंबराक अहमदाबादांतल्या संवसारांतल्या सगल्यांत व्हडल्या ‘नरेंद्र मोदी स्टेडियमा’चेर भारत आनी ऑस्ट्रेलिये मदीं जातली. उपांत्य फेरयेचे पयले मॅचींत न्युझीलंडाक हारोवन भारत फायनलींत पावलो, जाल्यार दुसरे मॅचींत ऑस्ट्रेलिया दक्षीण आफ्रिकेक हारोवन फायनलींत पावली. आतां २० वर्सां उपरांत भारत आनी ऑस्ट्रेलिया वर्ल्ड कपाचे फायनलींत खेळटले. हे मॅची खातीर बीसीसीआयन कांय खाशेल्या लोकांक आपयल्यात.
ही मॅच यादींत उरपा सारकी करपाक भारतीय क्रिकेट नियामक मंडळान (बीसीसीआय) खाशेली तयारी सुरू केल्या. ही मॅच पळोवपा खातीर प्रधानमंत्री नरेंद्र मोदी आनी ऑस्ट्रेलियेचे प्रधानमंत्री अँथनी अल्बानीज हांकां आमंत्रणां धाडल्यांत. ऑस्ट्रेलियाचे उपप्रधानमंत्री रिचर्ड मार्ल्स ही मॅच पळोवपाक येवपाक शकतात. भारताचो आदलो कॅप्टन एम एस धोनीय हाजीर रावं येता. बीसीसीआयन फायनली खातीर संवसारीक सर्त जिखपी सगल्या कर्णधारांक आमंत्रण धाडलां. तशेंच देशांतले नामनेच क्रिकेट खेळगडे, अभिनेतेय हजर आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
