भांगरभूंय | प्रतिनिधी
नवी दिल्ली, खबरां संस्था ः वन नेशन, वन इलेक्शन प्रस्तावाक बुधवारा मंत्रीमंडळान मान्यताय दिली. खबरां प्रमाण शिंयाळ्या अधिवेशनांत हें विधेयक मांडटले. प्रधानमंत्री नरेंद्र मोदी हांणी 2014 वर्सा ‘वन नेशन, वन इलेक्शन’ घेवपाचें उतर दिल्लें.
15 ऑगस्टाक स्वातंत्र्य दिसा लाल किल्ल्यांतल्यान दिल्ल्या भाशणांत प्रधानमंत्र्यान वन नेशन, वन इलेक्शनाची घोशणा केल्ली. परत परत वेंचणूक जाल्ल्यान देशाचे उदरगतींत आडमेळीं निर्माण जावपाक लागल्यात अशें तांणी सांगिल्लें.
वन नेशन वन इलेक्शनाचो विचार करपा खातीर तयार केल्ले आदले अध्यक्ष रामनाथ कोविंद हांच्या फुडारपणा खाला समितीन 14 मार्चाक आपलो अहवाल अध्यक्ष द्रौपदी मुर्मू कडेन सादर केलो. हो अहवाल 18 हजार 626 पानांचो आसा.
2 सप्टेंबर 2023 दिसा पॅनलाची थापणूक जाली. हो अहवाल भागधारक-तज्ञां कडेन चर्चा केल्या उपरांत 191 दिसांच्या संशोधनाचो परिणाम आसा. सगल्या विधानसभांचो कार्यकाळ 2029 मेरेन वाडोवपाची सुचोवणी समितीन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
