भांगरभूंय | प्रतिनिधी
खबरां संस्था
हरारेः वन-डे क्रिकेट माळ खेळपा खातीर भारतीय पंगड झिम्बाब्वेक पावलो. झिम्बाब्वे क्रिकेट मंडळान पंगडाक हरारे विमानतळार येवकार दिलो. भारतीय पंगड तीन वन-डे मॅचींची माळ खेळटलो.
हे माळेंतल्यान विराट कोहली, रोहीत शर्मा, ऋषभ पंत हांच्या सयत जायत्या वरिश्ठ खेळगड्यांक विसोव दिला. भारतीय पंगडाचें फुडारपण केएल राहुल करतलो. ताची ही निवड आयत्या वेळार जाहीर केल्ली. धवनाक कॅप्टन केल्लें आतां तो व्हायस कॅप्टन आसतलो. आशिया कप सर्तीं पयलीं स्वताक तयार करपाची संद राहुला कडेन आसा. व्हीव्हीएस लक्ष्मण पंगडाचो वेवस्थापक आसा. निमयीत कोच राहुल द्रवीड आशिया कपा खातीर यूएईंत वचापाचें आसा. ताका लागून तात्पुरती जापसालदारी लक्ष्मणा कडेन दिल्या.
27 ऑगस्टाच्यान यूएईंत आशिया कपाक सुरवात जातली. झिम्बाब्वे भोंवडेर पंगडांत आशिल्ल्या केएर राहुल आनी दीपक हुडा हांका आशिया कपा खातीरच्या भारतीय पंगडांत सुवात मेळ्ळ्या. अशे स्थितींत झिम्बाब्वेचे ताचें कामगिरीचेर निवड समितीची नदर आसतली. झिम्बाब्वे भोंवडे उपरांत तो दोगून यूएईक वतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
