भांगरभूंय | प्रतिनिधी
पणजी : चवथीक लागून मिठाय, फरसाण तशेंच फोगाचे विक्रेक ओतो आयला. दुकानांं सयत बाजारात मांंड घालून सामानाची विक्री जाता. अन्न आनी वखदां प्रशासन तशेंच वजन माप खात्यान कारवायेची मोहीम सुरू केल्या.
दोन दिसांं पयली एफडीएन कुंंकळ्ळी हांंगा धाड घालून मिठाय तशेंच फरसाण म्हाल जप्त केलो. मिठाय शौचालया लागीं तयार करपाचे ह्या वेळार दिसून आयलें. वजन आनी माप खात्यान 43 जाणां आड गुन्यांव नोंंद केला. खावपाचे पदार्थ, माराण, सुकाे मेवा हांंचें पॅकींंग सारकें नाशिल्लें म्हूण ही कारवाय जाल्या. म्हालाचें वजन तशेच पॅकींंग, वजन आनी माप खातें तपासता. पदार्थांचो दर्जो अन्न आनी वखदां प्रशासन खातें तपासता. चवथीक लागून एफडीएन लेगीत कारवायेची मोहीम सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
