भांगरभूंय | प्रतिनिधी
सध्या मोटसाणेची समस्या वाडत आसा. चड वेळ बसून रावप आनी दिसपट्ट्या जिणेच्या वेळापत्रकांत बदल जायत आशिल्ल्यान मोटसाणेची समस्या जाणवता. मोटसाणेक लागून कुडींत जायते त्रास जातात. वजन वाडल्यार कुडींत दुखणीं वाडटात. देखून कांय सादे उपाय केल्यार कुडीची चरबी उणी करपाक मजत जावंक शकता. मोटसाण आनी आहार हांचो लागींचो संबंद आसा. हे संबंदी नेम पाळ्ळ्यार वजन नियंत्रणात दवरुन मोटसाण उणी करुं येता.
पुश्टीक आनी भरपूर नाश्तो करात –
वजन उणें करपाचें आसल्यार नाश्त्यांत पोशक तत्वांनी भरपूर आशिल्लें अन्न खावचें. नाश्तो सदां वेळार करचो. हातूंत प्रथिनां, तंतू, ज्यूस, फळां, ओट्स आदी वापरूं येतात. प्रथिनां भरपूर आशिल्लो आहार करचो. जंक फूड, मैदो, साकर आनी तळिल्लीं खाणां खावप टाळचें. फळां आनी भाजयो आहारांत आस्पावपाक जाय. तातूंत तंतू आनी पोशक तत्वां चड प्रमाणांत आसतात. कोबीचो आहारांत आस्पाव करचो, तातूंतलें टॅरटेरिक एसिड कुडींतल्या कार्बोहायड्रेटांचें चरबींत रुपांतर करिना. जेवतना दरेक घास बरो चाबून खावचो.
बेगीन उठपाची संवय करात –
वजन उणें करपाचें आसल्यार सकाळीं बेगीन उठपाचो यत्न करात. आयुर्वेदाच्या मतान, रातीं बेगीन न्हिदून सकाळीं बेगीन उठचें. ताका लागून जायत्या दुयेंसातल्यान सुटका मेळटा. सकाळीं बेगीन उठल्यार आमची कूड सक्रिय उरता आनी कुड सारकी काम करपाक लागता. देखून सक्रिय कुडींत मोटसाण बेगीन वाडना.
रिकाम्या पोटार उदक पियेवप –
सकाळीं उठल्या उपरांत रिकाम्या पोटार हुळहुळीत (कोमट) उदक पियेवंक जाय. ताका लागून मेटबॉलिज्म बेगीन जाता. कुडीचे डिटॉक्सिफाय वेगान जाता. जाका लागून वजन उणें करपाक मजत जाता. कोमट उदकांत लिंबाचो रोस घालून पियेवप फायद्याचें. तशेंच म्होंव, आल्याचो रोस आनी एप्पल सायडर विनेगर मिक्स करूं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
