भांगरभूंय | प्रतिनिधी
वजन उणें करपाच्यो वेगवेगळ्यो पद्दती लोकांक दर दिसा आयकूपाक मेळटात. कांय जाण उपासाचेर विस्वास दवरतात, जाल्यार कांय जाण नेमान जेवपाचो सल्लो दितात. पूण, हालींच ‘जर्नल ऑफ द अमेरिकन हार्ट असोसिएशना’न उजवाडाक हाडिल्ल्या एका अभ्यासा प्रमाण, तुमी खंयच्याय वेळार जेवल्यार कसलोच फरक पडना. उरफाटें कितलें जेवतात, हाचेर खूब फरक पडटा.
संशोधनकांच्या मतान, खंडीत उपास केल्यार वजन उणें करपाचेर कसलोच परिणाम जायना.
ह्या संशोधनाक 6 म्हयने 500 परस चड लोकांच्या संवयीचेर नदर दवरली. हातूंत तुमी केन्ना जेवतात, दिसाक कितले फावट जेवतात आनी कितलें खातात हाची नोंद दवरली. 6 म्हयन्यां उपरांत कळ्ळें की केन्ना जेवलो वा कितलो वेळ जेवलो हाचेर तांच्या वजनाचेर कसलोच परिणाम जालो ना. वजन उणें जावप वा वाडप हें तांणी उण्या, चड वा सरासरी कॅलरीचें जेवण खाल्लें हाचेर आदारून आसतालें. जांणी कमी खालें ताचें वजन कमी जालें तर चड खालें तांचे वजन वाडलें.
खंडीत उपासाचो अभ्यास करपी इलिनॉय विद्यापिठाची संशोधक वाराडी क्रिस्टा हाच्या मतान, खंडीत उपासाचो फकत नेमान वेळार जेवपाचेर कसलोच परिणाम जायना. उण्या कॅलरीचें अन्न घेवप गरजेचें आसता. हाचो परिणाम वजनाचेर जाता आनी तें कमी जाता.
जॉन हॉपकिन्स स्कूल ऑफ मेडिसीन सहाय्यक प्रा. डॉ. निशा मरुथुर हांणी सांगलें, जेवणांतलें कॅलरीज सारकें आसल्यार वजन उणें करप कठीण थारता. खंडीत उपासांत लोक फकत सकाळीं 10 ते सांजे 4 मेरेन जेवतात आनी ह्या वेळार उण्या प्रमाणांत कॅलरीज घेतल्यार वजन उणें जावपाची शक्यताय चड आसता. अमेरिकेंतल्या वट्ट लोकसंख्येंतले 41.9 % लोक मोटसाणे वांगडा झगडटात.
स्थूलतायेक लागून त्रास सोंसपी लोक उपचारा खातीर 1.50 लाख चड खर्च करतात. अमेरिकेंत खर मोटसाणे आड झगडपी लोकसंख्या 4.7% वयल्यान 9.2 % जाल्या. अमेरिकेंत हाचेर उपचार करपा खातीर वर्साक 14 लाख कोटी रुपया खर्च जाता. मोटव्या मनशाच्या उपचारा खातीर वर्सुकी खर्च सामान्य मनशा परस 1.50 लाख रुपया परस चड जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
